KHASOKHAS ON GOOGLE NEWS Fact Checking Stories of Hope Resource Center Donate to Khasokhas KHASOKHAS MAGAZINE Terms of Service/Privacy Policy (English)

आज राहत प्याकेज योजना सार्वजनिक गर्दै बाइडेन, अल्पसंख्यकलाई प्राथमिकता, अर्को राहत चेक

प्रकाशित मिति : माघ १, २०७७ बिहीबार

❒  नवनिर्वाचित अमेरिकी राष्ट्रपति जो बाइडेनले आज विशेष सम्बोधन मार्फत झण्डै १ दशमलव ९ ट्रिलियन डलरको राहत प्याकेज योजना सार्वजनिक गर्ने

❒  राहत प्याकेजमा १४ सय डलरको राहत चेक समावेश गरिने, आर्थिक श्रोतको महत्वपूर्ण भाग अल्पसंख्यक समुदायका लागि छुट्याइने

❒  बेरोजगारी विमा सुविधामा पनि अतिरिक्त बढोत्तरी, धेरैलाई भ्याक्सिन प्रदान गर्नका लागि निजी कम्पनीहरुसँग सहकार्य

❒ खसोखासमा थप समाचारहरुका लागि यहाँ क्लीक गर्नुहोला ।

 

नवनिर्वाचित अमेरिकी राष्ट्रपति जो बाइडेनले आज विशेष सम्बोधन मार्फत झण्डै १ दशमलव ९ ट्रिलियन डलरको राहत प्याकेज योजना सार्वजनिक गर्ने भएका छन् । अल्पसंख्यक समुदायको सहयोग र कोरोना महामारीका कारण मारमा परेको अमेरिकी अर्थतन्त्र उकास्ने योजना सहित प्याकेज योजना ल्याउन लागिएको हो ।

बाइडेन प्रशासनले जनवरी २० मा सपथग्रहण लगत्तै संसदसँग मिलेर काम सुरु गर्नेछ । बाइडेनले आज घोषणा गर्न लागेको राहत प्याकेजमा १४ सय डलरको राहत चेक समावेश गरिने जनाइएको छ । साथै बाइडेनले धेरै अमेरिकनलाई भ्याक्सिन प्रदान गर्नका लागि निजी कम्पनीहरुसँग सहकार्यको प्रतिबद्धता जनाउने अपेक्षा गरिएको छ ।

प्याकेजमा अतिरिक्त आर्थिक श्रोतको महत्वपूर्ण भाग अल्पसंख्यक समुदायका लागि छुट्याइने भएको छ । बिहिबार बेलुका प्राइम टाइममा बाइडेनले उक्त सम्बोधनको तयारी गरिरहेका छन् ।

बाइडेन बेरोजगारी विमा सुविधामा पनि अतिरिक्त बढोत्तरीको पक्षमा रहेका छन् । अहिले मध्यमार्चसम्मका लागि बेरोजगारी विमा सुविधा बढोत्तरी गरिएको छ । त्यतिबेलासम्म काम गुमाएकाहरुले बेरोजगारी विमा रकमका अतिरिक्त साप्ताहिक ३ सय डलर प्राप्त गर्नेछन् ।

नवनिर्वाचित राष्ट्रपति जो बाइडेन र उपराष्ट्रपति कमला ह्यारिस ।

बाइडेन प्रशासने कोरोना भाइरस राहत प्याकेजमा दुइदलीय सहमति खोजिरहेका छन् । प्याकेजमा धेरै भन्दा धेरै रिपब्लिकनको सहमति जुटाउन प्रयास गरिनेछ । यदि सिनेटमा रिपब्लिकनको समर्थन जुटाउन नसकेको खण्डमा यो प्याकेज मेलमिलाप अन्तरगत पारित गर्न सकिनेछ । खर्चका मापदण्डहरुका सन्दर्भमा प्रयोग गरिने यो प्रकृयामा सामान्य बहुमत भए पुग्ने भएकाले फिलिबस्टर ६० भोटका लागि रिपब्लिकनको समर्थन आवश्यक पर्दैन ।

फिलिबस्टर भोटका लागि सिनेटमा अधिकांश बिलका लागि ६० भोटको आवश्यकता पर्छ । जर्जियाको सिनेटको चुनावको प्रमाणिकरण भइसकेपछि सिनेटमा रिपब्लिकन र डेमोक्र्याट्सका पचास पचास सिट हुनेछन् । उपराष्ट्रपतिले गर्ने टाइब्र्रेक मतका आधारमा सिनेटमा ५१ म्तका साथ डेमोक्र्याट्सको नियन्त्रण कायम हुनेछ । यो अवस्थामा फिलिबस्टर नचाहिने डेमोक्रेटिक बिलहरु सहजै पारित हुनेछन् ।

राहत चेकका सन्दर्भमा पहिले नै कैयन रिपब्लिकन सांसदहरुको समर्थन रहेकाले यसमा समस्या नहुने देखिएको छ । फ्लोरिडाका रिपब्लिकन सिनेटर मार्को रुबियोले बाइडेनलाई एक पत्र लेखेर ठूलो राहत चेक समावेश गर्न आग्रह गरेका छन् ।

मसाचुसेट्सकी डेमोक्रेटिक सिनेटर एलिजाबेथ वारेनले बाइडेनलाई १५ पृष्ठ लामो पत्र लेखेर राहत प्याकेजमा समावेश हुनुपर्ने विषयका बारेमा बाइडेनको ध्यानाकर्षण गराएकी छिन् ।

बाइडेनको आजको राहत योजना सम्बोधन अगाडि स्टक मार्केटमा बढोत्तरी भएको छ । डाउ जोन्स १०३ प्वाइन्टले बढेर ३१ हजार १ सय ६४ पुगेको छ । यो शुन्य दशमलव ३ प्रतिशतले बढेको हो । त्यस्तै नास्डाकपनि शुन्य दशमलव ३ प्रतिशतले बढेको छ ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Resource Person: Bishwa Bahadur Shah
Goodwill Ambassador: Yam Baral
Magazine Layout: Deel Gurung

Contact Us

© 2012-2020 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com