जनवरी २६ देखि विश्वका कुनै पनि देशबाट अमेरिका आउँदा नेगेटिभ कोरोना रिपोर्ट अनिवार्य
प्रकाशित मिति : पुस २८, २०७७ मंगलबार
❒ जनवरी २६ पछि अमेरिका आउँदै हुनुहुन्छ भने कोरोना नेगेटिभ भएको रिपोर्ट अनिवार्य
❒ पहिले नै कोरोना संक्रमित भइसकेका व्यक्तिले भने नेगेटिभ कोरोना रिपोर्टको साटो निको भएको कागजात पेश गर्न सक्ने
❒ अमेरिका आइसकेपछि पनि तीनदिनदेखि ५ दिनभित्र कोरोनाको परीक्षण गर्न र आएको पहिलो साता घरभित्रै बस्न सुझाव
❒ खसोखासमा थप समाचारहरुका लागि यहाँ क्लीक गर्नुहोला ।
जनवरी २६ देखि विश्वका कुनै पनि देशबाट अमेरिका आउँदा नेगेटिभ कोरोना रिपोर्ट अनिवार्य हुनुपर्ने प्रावधान अमेरिकन सीडीसीले ल्याएको छ । सीडीसीले मंगलबार गरेको घोषणा अनुशार अमेरिका आउने हरेक व्यक्तिले विमान चढ्नु अगाडि नेगेटिभ कोरोना रिपोर्ट पेश गर्नुपर्नेछ ।
प्रस्थान मितिको तीनदिनभित्रको नेगेटिभ कोरोना रिपोर्ट हुनुपर्ने सीडीसीले स्पष्ट पारेको छ । त्यसको लिखित र प्रमाणित कागजात एयरलाइन्सलाई बुझाएरमात्र विमानमा चढ्न पाइनेछ । पहिले नै कोरोना संक्रमित भइसकेका व्यक्तिले भने नेगेटिभ कोरोना रिपोर्टको साटो निको भएको कागजात पेश गर्न सक्नेछन् ।
अमेरिका आइसकेपछि पनि तीनदिनदेखि ५ दिनभित्र कोरोनाको परीक्षण गर्न र आएको पहिलो साता घरभित्रै बस्न सीडीसीले सुझाव दिएको छ । परीक्षणलेमात्र सबै जोखिमको उन्मुलन नगर्ने भएकाले मास्क लगाउने र सामाजिक दुरी कायम गर्ने नियमहरुको पनि पालना गर्न सीडीसीले सबैलाई स्मरण गराएको छ ।
बेलायतमा सुरुमा देखिएको कोरोनाको नयाँ प्रकार अमेरिकाका विभिन्न राज्यहरुमा देखिने क्रम तीब्र बन्दै गर्दा नयाँ मापदण्डको घोषणा गरिएको हो । अमेरिकाका कम्तीमा १० वटा राज्यमा कोरोनाको नयाँ प्रकार पुष्टी भइसकेको छ ।