बाइडेनको सपथसम्म ५० वटै राज्यमा सशस्त्र दंगाफसादको तयारी भइरहेको एफबीआईएको खुलासा
प्रकाशित मिति : पुस २७, २०७७ सोमबार
नवनिर्वाचित अमेरिकी राष्ट्रपति बाइडेनको सपथलाई निशाना बनाएर अमेरिकामा ५० राज्यमा सशस्त्र प्रदर्शनको तयारी भइरहेको एफबीआईएले जनाएको छ । वासिंटन डिसीमा रहेको क्यापिटल हिल र ५० वटै राज्यमा रहेका संसद भवनमा १६ जनवरीदेखि २० जनवरीसम्म प्रदर्शनको तयारी भइरहेको एफबीआईएको बुलेटिनमा उल्लेख गरिएको हो ।
सपथग्रहण समारोहका लागि सुरक्षा व्यवस्था कडा बनाइरहँदा यो खबर आएको हो । संघीय, राज्य र स्थानीय स्तरका सुरक्षा निकायहरुले जनवरी २० लाई लक्ष्यीत गरेर सुरक्षा व्यवस्था कडा बनाएका छन् । डोनाल्ड ट्रम्पलाई जनवरी २० भन्दा अगाडि नै २५ औं ससोधन लगाएर हटाइएको खण्डमा सशस्त्र प्रदर्शन अझ बढाउने तयारी भएको एफबीआईएको बुलेटिनमा उल्लेख छ ।
जनवरी ८ मा केही समुहहरुबाट ट्रम्पलाई जनवरी २० अगाडि हटाए राज्य, स्थानीय र संघीय स्तरका संसदहरुमा दंगा मच्याउने आव्हान गरिएकोबारे सुचना प्राप्त गरेको एफबीआईएले जनाएको हो । सपथग्रहण अगाडि नवनिर्वाचित राष्ट्रपति जो बाइडेनलाई क्षति गर्ने खालका धम्की र जोखिमहरुको पनि अवलोकन गरिरहेको एफबीआईएले जनाएको छ । साथै केही रिपोर्टहरु नवनिर्वाचित उपराष्ट्रपति कमला ह्यारिस र हाउस स्पीकर न्यान्सी पेलोसीलाई नोक्सान गर्ने खालका समेत रहेको जनाइएको छ ।
प्रदर्शनकारीहरुले अन्य सरकारी भवनमा क्षति पुर्याउने योजना समेत बनाएको जनाइएको छ । खासगरी जनवरी २० लाई लक्ष्यीत गरेर सबै राज्यहरुमा सुरक्षा व्यवस्था कडा बनाइदै गएपनि सबै राज्यमा प्रदर्शन हुने अपेक्षा भने गरिएको छैन ।
जनवरी ६ को प्रदर्शनका कारण मृत्यु हुनेको संख्या ६ पुगेको छ । संसद भवनमा दंगाफसाद गर्ने कैयन पक्राउ परेका छन् भने कैयनबिरुद्ध संघीय अपराधको आरोप लगाइएको छ ।