टेक्सासमा भएको कार दुर्घटनामा एक नेपाली महिलाको मृत्यु
प्रकाशित मिति : पुस २६, २०७७ आईतबार
टेक्सासमा भएको दुर्घटनामा मृत्यु हुने र घाइते हुने नेपाली भएको पुष्टी भएको छ । बिहिबार राती भएको दुर्घटना एकजना नेपाली महिलाको मृत्यु भएको छ भने चालक ४९ बर्षका विष्णुप्रसाद पौडेल घाइते भएका छन् ।
घाइतेको नजिकको अस्पतालमा उपचार भइरहेको जनाइएको छ । दुईवटा गाडी एक आपसमा ठोक्किदा दुर्घटना भएको जनाइएको छ । अर्को गाडीमा रहेका ४५ बर्षका थाओ ली नामका व्यक्ति घाइते भएको स्थानीय संचारमाध्यमले जनाएका छन् ।
DPS Confirms One Death in Fiery Crash https://t.co/1TdP2kxFfJ
— Arun Adhikari (@arun_adh) January 10, 2021
दुईवटा गाडीहरु एक आपसमा ठोकिदा आगो लागेको थियो । बाटोको मध्यभागमा दुर्घटना भएको जनाइएको छ । सान एन्जेलोदेखि ८ माइल उत्तर युएस हाइवे २७७ मा दुर्घटना भएको जनाइएको छ ।
नेपालीहरु चढेको गाडी दक्षिणतर्फ गइरहेको र अर्को गाडी उत्तरतर्फ आइरहेको टेक्सासको जनसुरक्षा विभागले जनाएको छ ।
Unidentified passenger dies in head-on collision on US 277 Thursday evening https://t.co/4uw5j1G7sg
— FOX West Texas (@FOXWestTexas) January 8, 2021
दुर्घटनामा मृत्यु हुने महिला अनिता अधिकारी रहेको जानकारी दिदै क्यालिफोर्निया निवासी रमेश शिलवालले श्रद्धाञ्जली व्यक्त गरेका छन् । घटनाबारे परिवारलाई जानकारी भइसकेको पनि उनले जनाएका छन् ।
शिलवालले खसोखाससँग भने – ‘केहीदिन अगाडिमात्र हाम्रो कुराकानी भएको थियो । अहिले यो घटना भएको खबरले स्तब्ध छौं ।’
आफूले मृतक अधिकारीका मामा लोकबहादुर पाण्डेसँग कुराकानी गरिरहेको र थप जानकारी लिने प्रयास गरिरहेको शिलवालले जानकारी दिए ।