पावरबल चिठ्ठा ५५० मिलियन डलर, मेगा मिलियन पुग्यो ६ सय मिलियन डलर
प्रकाशित मिति : पुस २६, २०७७ आईतबार
अमेरिकाको पावरबल चिठ्ठा शनिबार पनि कसैले नजितेपछि ५५० मिलियन डलर पुगेको छ । अर्को चिठ्ठा जनवरी १३ बुधबार खोलिने भएको छ ।
बुधबार कसैलाई चिठ्ठा परेमा उक्त व्यक्तिले ५५० मिलियन डलर प्राप्त गर्न सक्नेछन् । एकैपटक नगदमा लिएमा झण्डै ४११ मिलियन डलर प्राप्त हुनेछ ।
पावरबल यति धेरै भएको सन् २०१९ को मार्चपछि पहिलोपटक हो भने पावरबलको इतिहासमा नै नवौं पटक हो । पावरबल ज्याकपट अन्तिमपटक गत सेप्टेम्बर १६ मा न्युयोर्कमा परेको थियो ।
पावरबल चिठ्ठा अमेरिकाका ४५ वटा राज्यहरुमा खेल्न सकिन्छ । साथै वासिंटन डिसी, पोर्तोरिको र युएस भर्जिन आइल्याण्डमा पनि खेल्न सकिन्छ ।
त्यस्तै मेगा मिलियन ज्याकपट अझ धेरै भएको छ । इतिहासमा नै चौथोपटक मेगा मिलियन ६ सय मिलियन डलर पुगेको छ । शुक्रबार राती कसैलाई नपरेपछि अब मंगलबार अर्को चिठ्ठा खोलिनेछ ।
मंगलबार कसैलाई यो चिठ्ठामा ज्याकपट परेमा ६ सय मिलियन अमेरिकी डलर प्राप्त गर्नेछन् । एकमुष्ठ नगद लिन चाहेमा झण्डै ४ सय ४२ मिलियन लिन सकिनेछ ।
पावरबल चिठ्ठा अमेरिकाका ४४ वटा राज्यहरुमा खेल्न सकिन्छ । साथै वासिंटन डिसी र युएस भर्जिन आइल्याण्डमा पनि खेल्न सकिन्छ ।
