बुस, क्लीन्टन र ओबामासहित उपराष्ट्रपति पेन्स बाइडेनको सपथग्रहणमा उपस्थीत हुने
प्रकाशित मिति : पुस २५, २०७७ शनिबार
जनवरी २० मा पदावधी सकिन लागेका उपराष्ट्रपति माइक पेन्स नवनिर्वाचित अमेरिकी राष्ट्रपति जो बाइडेनको सपथग्रहण समारोहमा उपस्थीत हुने भएका छन् । राष्ट्रपति डोनाल्ड ट्रम्पले भने बाइडेनको सपथग्रहण समारोहमा उपस्थीत नहुने बताइसकेका छन् ।
जनवरी ६ मा क्यापिटल हिलमा हुलदंगा हुँदा माइक पेन्स र उनको परिवारलाई क्यापिटल हिलमा रहेको बंकरमा लगिएको थियो । त्यतीबेला राष्ट्रपति ट्रम्पले उनीहरु सुरक्षित भए नभएको समेत बुझ्ने प्रयास नगरेको जनाइएको छ । माइक पेन्सलाई झुण्डाउनुपर्ने भन्दै नारा लगाउनेको समेत ट्रम्पले निन्दा गरेनन् ।
बाइडेनले माइक पेन्सलाई आफ्नो सपथग्रहण समारोहमा स्वागत गरिएको बताएका छन् । साथै पेन्सलाई आफ्नो सपथग्रहणमा पाएको खण्डमा आफू गौरवान्वीत हुने बाइडेनले बताएका छन् ।
पूर्व राष्ट्रपति बराक ओबामा र बिल क्लिन्टनले पनि बाइडेनको सपथग्रहण समारोहमा उपस्थीत हुने बताइसकेका छन् । पूर्व राष्ट्रपति जर्ज डब्ल्यु बुस पनि सथग्रहण समारोहमा जाने भएका छन् ।
त्यस्तै हिलारी क्लिन्टन, लोरा बुस र मिशेल ओबामा पनि सपथग्रहण समारोहमा उपस्थीत हुने भएका छन् । ९६ बर्षका पूर्व राष्ट्रपति जिम्मी कार्टर भने स्वास्थ्य समस्याका कारण यात्रा गर्न असम्भव भएकाले त्यहाँ उपस्थीत नहुने भएका छन् ।
नवनिर्वाचित राष्ट्रपतिको सपथग्रहणमा पूर्व राष्ट्रपति उपस्थीत हुने परम्परा रहेपनि बाध्यकारी भने छैन । डोनाल्ड ट्रम्पको सपथग्रहण समारोहमा पूर्व राष्ट्रपति बराक ओबामा उपस्थीत भएका थिए ।