चुनाव जितेको डेमोक्रेटिक उम्मेदबार जोन ओसोफको घोषणा, हाई प्रोफाइल डेमोक्र्याट्सहरुको बधाई
प्रकाशित मिति : पुस २२, २०७७ बुधबार
जर्जियाबाट सिनेटको एउटा सिटमा डेमोक्रेटिक उम्मेदबार राफल वार्नकलाई विजेता घोषणा गरिएको छ । अर्को सिटमा पनि डेमोक्रेटिक उम्मेदबार जोन ओसोफले आफू विजयी भइसकेको घोषणा गरेका छन् ।
१६ हजार भन्दा धेरै मतले अग्रता कायम गरिसकेका ओसोफले एउटा भिडियो सन्देशमार्फत आफू विजयी भएको घोषणा गरेका हुन् । तर रिपब्लिकन उम्मेदबार डेभिड पर्डयुको अभियानले कानुनी मतहरुमात्र गणना भएको सुनिश्चित गर्न कानुनी उपाय अपनाउने बताएका छन् । अमेरिकी संचारमाध्यमहरुले भने अझै ओसोफको जीत घोषणा गरिसकेका छैनन् । ३३ बर्षका ओसोफले जितेमा सन् १९८१ पछि अमेरिकी सिनेटरमा चुनाव जित्ने उनी सबैभन्दा कान्छा व्यक्ति हुनेछन् ।
कैयन डेमोक्रेटिक नेताहरुले भने ओसोफको जीत घोषणा गर्दै बधाई दिन सुरु गरिसकेका छन् । हिलारी क्लिन्टनले ओसोफ र राफल वार्नकलाई बधाई दिइसकेकी छिन् ।
Congratulations to the new senators from Georgia, and to everyone who organized and voted to get them there. It’s a new day. pic.twitter.com/OUdkopv96G
— Hillary Clinton (@HillaryClinton) January 6, 2021
सामाजिक सञ्जालमार्फत ओसोफलाई बधाई दिन सुरु भइसकेको छ ।
Congratulations to Jon Ossoff, the first U.S. Senator to catch a computer virus while trying to download the Garden State soundtrack from Limewire
— Jason O. Gilbert (@gilbertjasono) January 6, 2021
Today is a great day. Huge congratulations to @staceyabrams along with hundreds of exhausted organizers on the ground, @ReverendWarnock @ossoff and the state of Georgia.
— Brooklyn Decker (@BrooklynDecker) January 6, 2021
जर्जियाबाट सन् २००४ यता सिनेटमा दुबै सदस्य रिपब्लिकनहरु रहदै आएका थिए । जर्जियामा राष्ट्रपति चुनावमा सन् १९९६ देखि रिपब्लिकनले जित्दै आएकोमा यसपटक डेमोक्रेटिक उम्मेदबार जो बाइडेनले जीतेका थिए ।
ओसोफलले पनि जीतेमा दुबै सिटमा डेमोक्रेटिक उम्मेदबार विजयी हुनेछन् । साथै सिनेटमा पनि डेमोक्र्याट्सको बहुमत कायम हुनेछ ।
वार्नकको जितसँगै सिनेटमा ४९ सिट डेमोक्रेटिक पार्टीले र ५० सिट रिपब्लिकन पार्टीले जीतेका छन् । प्रतिनिधिसभामा डेमोक्र्याट्सको नियन्त्रणका कायम छ ।
ओसोफले पनि जितेमा उपराष्ट्रपटिको टाइब्रेक मतका आधारमा सिनेटमा डेमोक्र्याट्सको बहुमत हुनेछ । बाइडेन प्रशासनले संसदबाट आफूले चाहेका बिलहरु आगामी दुईबर्षसम्म पारित गराउन सक्नेछन् भने विभिन्न नियुक्तीहरु समेत सहजै गर्न सक्नेछन् । तर एउटामात्र सिट रिपब्लिकनले जितेमा पनि सिनेटमा रिपब्लिकनकै बहुमत कायम हुनेछ ।
सिनेटमा बहुमत कायम भएमा बाइडेन प्रशासनले आफूले चाहेका बिलहरु संसदबाट सहजै पारित गराउन सक्नेछ भने नियुक्ती लगायतका विषयमा पनि कुनै अवरोध हुनेछैन । ११ मिलियन कागजपत्रविहिन आप्रवासीहरुलाई ग्रिनकार्डहुँदै नागरिकताको बाटोमा लैजाने डेमोक्र्याट्सको एजेण्डा कार्यान्वयन गर्न पनि बाटो खुल्नेछ ।