१२० बर्षदेखि नयाँ बर्षको स्वागतमा विश्वको ध्यान खिच्दै आएको टाइम्स स्क्यायर यसपटक सुनसान
प्रकाशित मिति : पुस १६, २०७७ बिहीबार
१२० बर्षदेखि नयाँ बर्षको पूर्वसन्ध्यामा विश्वको ध्यान खिच्दै आएको न्युयोर्कको टाइम्स स्क्यायर यसपटक सुनसान भएको छ । हरेक बर्ष नयाँ बर्षको पूर्व सन्ध्यामा दशौं हजारको जमघट हुने टाइम्स स्क्वायरमा सर्वसाधारणलाई प्रवेशमा रोक लगाइएको छ ।
नयाँ बर्षको स्वागतमा न्युयोर्कको टाइम्स स्क्यायरमा क्रिस्टल बल खसाल्ने चलन रहेको छ । यसपटक उक्त बल खसालेको हेर्न केही व्यक्तिलाईमात्र निमन्त्रणा गरिएको छ । कलाकारहरुले खाली मञ्चमा उभिएर प्रस्तुतीहरु दिएका छन् ।
कोरोनाको महामारीका कारण यसपटक नयाँ बर्षको पूर्व सन्ध्यामा सर्वसाधारणहरुलाई टाइम्स स्क्वायरमा जान रोक लगाइएको हो । टाइम्स स्क्वायर पुगेका कैयनले प्रहरी घरमा फर्केर आरामसाथ नयाँ बर्ष मनाउन सुझाव दिंदै फर्काइदिएको छ ।
टाइम्स स्क्यायरमा खसालिने बलको स्वीच न्युयोर्कका मेयरले दबाउने भएका छन् । राती १२ बज्न एक मिनेट बाँकी छँदा काउन्टडाउन सुरु हुनेछ ।
