टेनेसीमा एकाविहानै भयानक बिष्फोट, भवनहरुमा क्षति


प्रकाशित मिति : पुस १०, २०७७ शुक्रबार

टेनेसीको नासभिलमा एकाविहानै बिष्फोट हुँदा गाडी र भवनमा क्षति पुगेको छ । घटना विहान साढे ६ बजे भएको हो । डाउनटाउन नासभिलमा बिष्फोटपछि विहान पौने ७ बजेतिर प्रहरी र अग्नीनियन्त्रकहरु पुगेका थिए ।

प्रहरीले बिष्फोट जानाजान गराइएको र आशययुक्त रहेको बताएको छ । घटनामा कम्तीमा ३ जना घाइते भएका छन् । उनीहरुलाई अस्पताल भर्ना गरिएपनि अवस्था भने गम्भिर नभएको जनाइएको छ ।

घटनाबारे अनुसन्धानका लागि बम स्क्वायड टोलीपनि घटनास्थलमा पुगेका थिए । मेल्टिङ पटबाहिर पार्क गरेको गाडीमा बिष्फोट भएको जनाइएको छ ।

बिष्फोटको आवाज निकै टाढासम्म सुनिएको थियो भने आकाशमा माथीसम्म धुँवा उडेको थियो । बिष्फोटको कारणबारे अहिलेसम्म केही खुलेको छैन ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com