ओलीले संविधानको धज्जी उडाए, प्रतिबाद गरौँ : भट्टराई
प्रकाशित मिति : पुस ५, २०७७ आईतबार
जनता समाजवादी पार्टीका नेता एवं पूर्वप्रधानमन्त्री डा बाबुराम भट्टराईले संसद विघटनको सिफारिस संविधान विपरीत भएको बताएका छन् । ओलीले प्रतिनिधिसभा विघटन गर्ने सिफारिस गरेर संविधानको धज्जी उडाएको भन्दै सबैतिरबाट प्रतिबाद गरिनु पर्ने भट्टराईको भनाई छ ।
‘प्रधानमन्त्री केपी शर्मा ओलीले त्यसको विपरित संसद् विघटनको प्रस्ताव राष्ट्रपतिसमक्ष प्रस्तुत गरेको खबर जुन प्राप्त भएको छ, यो अत्यन्त दुःखद् छ ।’ भट्टराईले ट्विटरमा एक भिडियो पोस्ट गर्दै भनेका छन्, ‘यसले हिजो कै संसदीय व्यवस्थाको अस्थिरता निम्तायो र यसले संविधानसभाबाट हामीले सुधारिएको प्रणाली ल्याएको धज्जी उडाएको छ, यो लोकतन्त्रको मर्म विपरित छ ।संविधानको प्रावधान विपरित छ ।’
प्रधानमन्त्री केपी शर्मा ओलीले आइतबार मन्त्रिपरिषद्को आकस्मिक बैठक राखेर यो सिफारिस गरेका हुन् । यसको चौतर्फी आलोचना भइरहेको छ ।