अस्पताल भर्ना हुनेको संख्या बढेपछि सोमबारदेखि न्युयोर्कमा ‘इन्डोर डाइनिङ’ बन्द
प्रकाशित मिति : मंसिर २६, २०७७ शुक्रबार
सोमबारदेखि लागु हुनेगरी न्युयोर्क सिटीमा इन्डोर डाइनिङ बन्द गरिने भएको छ । कम्तीमा २ साताका लागि न्युयोर्क सिटीका रेष्टुरेण्टभित्र खानाखानमा रोक लगाईएको छ ।
न्युयोर्कका गभर्नर एन्ड्रगु कुमोले आगामी सोमबारदेखि न्युयोर्क सिटीमा रेष्टुरेण्टभित्र खाना खानमा प्रतिबन्धको घोषणा गरेका हुन् । न्युयोर्क सिटीमा कोरोना संक्रमणबाट अस्पताल भर्ना हुनेको संख्यामा स्थीरता नआए पछि सोमबारदेखि रेष्टुरेण्टभित्र खाना खानमा प्रतिबन्धको घोषणा गरिएको हो ।
Indoor dining will close in New York City starting Monday.
Hospitalizations have not stabilized, and with a rising infection rate and NYC’s density, this means that indoor dining is too high of a risk.
Takeout, delivery and outdoor dining will continue.
— Andrew Cuomo (@NYGovCuomo) December 11, 2020
अहिलेसम्म रेष्टुरेण्टभित्र २५ प्रतिशत क्षमतामा खानखान पाइने नियम भएतापनि संक्रमणबाट बिरामी भई अस्पताल भर्ना हुनेहरुको संख्या बढेकाले पूर्णरुपमा बन्द गर्ने योजना बनाइएको हो । न्युयोर्कमा चिसो बढिसकेकाले आउटडोर डाइनिङ सहज नभएको अवस्थामा उक्त नियम लागु भएमा रेष्टुरेण्टहरुले टेकआउट र डेलीभरीमात्र गर्न सक्नेछन् ।
त्यस्तै न्युयोर्क सिटीबाहिर पनि इन्डोर डाइनिङ ५० प्रतिशत क्षमताबाट २५ प्रतिशतमा झारिने भएको छ ।
सीडीसीले जिम र शैलुनका सन्दर्भमा उस्तै निर्देशिका नबनाएकाले जिम र शैलुन भने बन्द नहुने जनाइएको छ । संघीय सरकारले बार, रेष्टुरेण्ट लगायतका विजनेशलाई सहयोगका लागि राहत प्याकेजहरु ल्याउनुपर्ने कुमोको भनाई छ ।