न्युयोर्क आउँदै गरेको विमानमा बमको त्रास, जेएफकेको रनवे केहीबेर बन्द
प्रकाशित मिति : मंसिर २२, २०७७ सोमबार
न्युयोर्क आउँदै गरेको विमानमा बमको त्रास फैलिएपछि जोन अफ केनेडी विमानस्थलको रनवे केहीबेर बन्द गरिएको छ । मस्कोबाट न्युयोर्क आउँदै गरेको विमानमा बम रहेको सुचना अधिकारीहरुले प्राप्त गरेपछि अनुसन्धानका क्रममा एउटा रनवे नै बन्द गरिएको थियो ।
Following an earlier incident at #JFK, all emergency activity has concluded and emergency personnel have departed the scene. *JC
— Kennedy Airport. Wear a Face Covering. (@JFKairport) December 7, 2020
विमानस्थलमा विमान अवतरण गरिसकेपछि प्रहरीले विमान खाली गराउन मद्दत गरेको थियो । त्यसपछि विमानमा चेकजाँच गरिएको थियो । पछि कुनै जोखिम नरहेको पाइएपनि सुरक्षा खतरा नभएको जनाइएको थियो । विमान आइतबार दिउसो अवतरण गरेको हो ।
Due to an ongoing incident, emergency personnel and activity may be observed at #JFK airport. Please note that the airport is fully open and flights are operating without delays.
— Kennedy Airport. Wear a Face Covering. (@JFKairport) December 6, 2020
अनुसन्धानका कारण मस्को जाने विमान उडानमा समेत केहीबेर ढिला भएको थियो । तर पछि विमानस्थल पूर्णरुपमा खुला रहेको र उडानहरु तालिकामा नै संचालन भइरहेको जनाइएको थियो । विमानमा बम रहेको सुचना कस्ले दिएको थियो वा कसरी फैलिएको थियो भन्नेबारे भने केही बताइएको छैन ।