न्युयोर्क सिटीका सरकारी स्कुलमा पढ्ने एकलाख विद्यार्थी होमलेस


प्रकाशित मिति : मंसिर १८, २०७७ बिहीबार

– किशोर पन्थी

सन् २०१९ र २०२० को विद्यालय बर्षमा न्युयोर्क सिटीका सरकारी विद्यालयमा पढ्ने १० जनामध्ये एकजना विद्यार्थी होमलेस रहेको एउटा रिपोर्टमार्फत खुलासा भएको छ । कोरोनाको महामारीका कारण उनीहरुले शेल्टर वा अस्थायी आवासबाट अनलाइनक कक्षाहरु लिएका थिए । तर अधिकारकर्मीहरुले यो संख्या अझ बढी भएको बताएका छन् ।

न्युयोर्क सिटीका डिस्ट्रिक्ट र चार्टर स्कुलमा भर्ना भएका १ लाख ११ हजार भन्दा धेरै विद्यार्थीहरु होमलेस भएको पत्ता लागेको छ । एड्भोकेट फर चिल्ड्रेन इन न्युयोर्कले बिहिबार सार्वजनिक गरेको रिपोर्ट अनुशार लगातार पाँचौं बर्षमा होमलेस विद्यार्थीको संख्या ६ अंकमा पुगेको हो ।

न्युयोर्कमा घरवारविहिनताको अनुभव गर्ने विद्यार्थीहरुको कुल संख्या सिंगै बोष्टनका सार्वजनिक विद्यालय प्रणालीमा रहेका विद्यार्थीहरुको संख्या भन्दा धेरै रहेको छ । गतबर्षको तुलनामा यो संख्या न्युयोर्क सिटीमा २ दशमलव २ प्रतिशले गिरावट आएपनि महामारीका कारण त्यस्ता विद्यार्थीहरुले यो बर्ष विगतको भन्दा धेरै समस्या भोग्नु परेको छ ।

पूरै अमेरिकामा सरकारी स्कुलमा भर्ना भएका होमलेस विद्यार्थीहरुको संख्या ४ लाख २० हजार रहेको अनुमान गरिएको छ । गतबर्ष ३० प्रतिशतभन्दा कम होमलेस विद्यार्थीहरुले ३ देखि ८ कक्षाका परीक्षाहरु उत्तिर्ण गर्न सफल भएका थिए । अधिकांश त्यस्ता विद्यार्थीहरु अश्वेत र ल्याटिनोहरु रहेका छन् ।

न्युयोर्क सिटीको ब्रोंक्समा सबैभन्दा धेरै होमलेस विद्यार्थीहरु रहेको तथ्यांकले देखाएको छ । त्यहाँ हरेक ६ जना विद्यार्थीहरुमा एकजना होमलेस रहेका छन् । न्युयोर्कको स्वास्थ्य विभागले हजारौं होमलेस विद्यार्थीहरुलाई आईप्याड र इन्टरनेट सेवा प्रदान गरेको थियो ।

शेल्टरहरुमा इन्टरनेटको समस्या हुने भएकाले अनलाइन कक्षामा समस्या हुने गरेको छ । न्युयोर्क सिटीका मेयर बिल ब्लाजिओले सबै होमलेस शेल्टरहरुमा निशुल्क वाईफाई, प्रविधि र नयाँ उपकरणहरु उपलब्ध गराउने प्रतिवद्धता जनाएका थिए । यद्यपी होमलेस विद्यार्थीहरुको पढाईको नतिजा महामारी अगाडि पनि त्यती राम्रो आउने गरेको थिएन ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com