काठमाडौंका लागि उडेको हेलिकप्टरमा चरा ठोक्कियो, आकस्मिक अवतरण
प्रकाशित मिति : मंसिर १४, २०७७ आईतबार
बागलुङबाट काठमाडौं आउँदै गरेको कैलाश एयरको हेलिकप्टर नुवाकोटमा आकस्मिक अवतरण गरेको छ । उडिरहेको कैलाश एयरको हेलिकप्टरमा चरा ठोक्किएपछि नुवाकोटको बेलकोटगढी गाँउपालिकामा आकस्मिक अवतरण गरेको बागमती प्रदेशका प्रहरी प्रमुख बसन्त लामाले जानकारी दिए ।
प्रहरीका अनुसार पाइलटसहित हेलिकप्टरमा रहेका ६ जना नै सुरक्षित छन् । हेलिकप्टरको अगाडिको सिसा भने फुटेको प्रहरीले जनाएको छ ।