अमेरिकामा नर्थवेष्ट अर्कान्ससमा बसाईसराई गर्नेलाई १० हजार डलर र माउन्टेन बाइक दिइने
प्रकाशित मिति : कार्तिक २९, २०७७ शनिबार
अमेरिकाको नर्थवेष्ट अर्कान्ससमा बसाईसराई गर्नेहरुलाई १० हजार डलर नगद र माउन्टेन बाइक उपहार दिइने भएको छ । माउन्टेन बाइक लिन नचाहनेहरुले सांस्कृतिक प्रतिष्ठानमा बार्षिक सदस्यता लिनसक्नेछन् । यो योजना लाइफ वर्कस हेयर इनिसियटिभले ल्याएको हो ।
नर्थवेष्ट अर्कान्सस अमेरिकामा आवासका लागि उत्कृष्टमध्येको एक स्थानमा रुपमा पहिले नै सुचिकृत रहेको छ । यहाँ आउटडोर गतिविधि, विश्वका उत्कृष्ट कला प्रतिष्ठानहरु रहनुका साथै प्रतिव्यक्ति आम्दानी राष्ट्रिय औषतका तुलनामा १४ प्रतिशत बढी रहेको छ ।
नर्थवेष्ट अर्कान्सस अमेरिकामा शीघ्र रुपमा बृद्धि भइरहेको अर्थतन्त्र रहेको स्थान हो । अहिलेपनि त्यहाँ १० हजारभन्दा धेरै जागिर खुल्ला रहेको र विज्ञान, प्रविधि लगायतका क्षेत्रमा जागिर खाने व्यक्तिको अभाव रहेको नर्थवेष्ट अर्कान्सस काउन्सिलका सीईओ नेल्सन पिककले जनाएका छन् ।
बसाई सराई गर्नेहरुलाई १० हजार डलर दिने योजना सधै भने लागु हुने छैन । सिमित अवधिका लागिमात्र लागु हुने जनाइएको छ । थप जानकारी नर्थवेष्ट अर्कान्ससको वेवसाइटमा प्राप्त गर्न सकिनेछ ।
यो कार्यक्रमका लागि योग्य हुनका लागि आवेदकहरु आगामी ६ महिनाभित्र अर्कान्ससमा बसाईसर्न सक्न् हुनुपर्छ । साथै पूर्णकालिन रिमोट रोजगारी हुनुपर्नेछ । वा नर्थवेष्ट अर्कान्ससभन्दा बाहिर स्वरोजगार रहेको हुनुपर्छ । आवेदक अहिले नर्थवेष्ट अर्कान्सस बाहिर बसिरहेको व्यक्ति हुनुपर्छ र काम गर्न योग्य तथा २४ बर्ष नाघेको हुनुपर्छ । साथै अमेरिकाभित्रै बसिरहेको व्यक्ति हुनुपर्छ ।
१० हजार डलरले सुरुमा त्यहाँ बसोबासको व्यवस्था मिलाउन र अन्य बन्दोबस्त गर्न सकिनेछ ।
अमेरिकी नागरिक र २ बर्षको कामको अनुभव भएको व्यक्तिलाई १० हजार डलर अनुदान प्राप्त गर्न सहज हुनेछ । तर अमेरिकामा काम गर्न योग्य सबै यो कार्यक्रमका लागि योग्य हुनेछन् । छनौट भएको व्यक्ति बेन्टन र वासिंटन काउन्टी लगायत नर्थवेष्ट अर्कान्सासमा बस्नुपर्नेछ ।
यो कार्यक्रममा सहभागी हुन चाहनुहुन्छ भने आवेदन दिनका लागि यहाँ क्लिक गर्नुहोला ।