पोर्चुगलमा सोमबार मृत्यु हुनेको संख्या र नयाँ संक्रमितको संख्यामा गिरावट
सोमबार पोर्चुगलमा कोरोना भाइरसका नयाँ बिरामी र मृत्युको दरमा गिरावट आएको छ ।
सो दिन यहाँ ४२५ जनामा कोरोनाको संक्रमण देखिएको छ भने ४ जना संक्रमितको मृत्यु भएको छ । यो संख्या अघिल्लो दिनको भन्दा झण्डै आधाले कम हो । जहाँ अघिल्लो दिन पोर्चुगलमा नौ जनाको मृत्यु भएको थियो भने ६ सय ६५ जनामा संक्रमण देखिएको थियो ।
अहिलेसम्म पोर्चुगलमा ७४ हजार २९ जनामा कोरोनाको संक्रमण देखिएको छ । यि मध्ये ४७ हजार ८ सय ८४ जनाले कोरोनालाई जितेका छन् भने एक हजार ९ सय ५७ जनाको मृत्यु भएको राष्ट्रिय स्वास्थ्य महानिर्देशनालयले जनाएको छ । उसका अनुसार अहिले ९८ संक्रमित गम्भिर प्रकृतिका छन् ।