एसाइलमबाट ग्रिनकार्ड स्वीकृत भएको ३ बर्ष ९ महिना भयो, नागरिकता आवेदन दिनसक्छु ?

प्रकाशित मिति : आश्विन ११, २०७७ आईतबार

– एलन वर्निक, कानुन व्यवसायी

तपाईले एसाइलमबाट ग्रिनकार्ड स्वीकृत भएको ४ बर्षमा अमेरिकी नागरिकता प्राप्त गर्न सक्नुहुन्छ । अर्थात् तपाईले ४ बर्ष पुग्न ९० दिनभन्दा कम अवधि बाँकी रहँदा झण्डै ३ बर्ष ९ महिना पुगेपछि नागरिकताका लागि आवेदन दिनसक्नुहुन्छ ।

एसाइलीहरुले एसाइलम स्वीकृत भएको १ बर्षपछि ग्रिनकार्ड प्राप्त गर्न सक्छन् । तर नागरिकता प्राप्त गर्ने बेलामा ग्रिनकार्ड स्वीकृत भएको मितिले एकबर्ष अगाडि देखि नै गणना हुन्छ । यसअर्थमा तपाईले ग्रिनकार्ड स्वीकृत भएको ३ बर्ष ९ महिनापछि नागरिकताका लागि आवेदन दिन सक्नुहुनेछ ।

Citizenship

जब युएससीआईएसले एसाइलीका लागि ग्रिनकार्ड जारी गर्छ, तब प्राय स्वीकृत भएकोभन्दा एकबर्ष अगाडिको मिति ग्रिनकार्डका उल्लेख हुन्छ । यदि कहिलेकाँही युएससीआईएसले एकबर्ष अगाडिको मिति नभई ग्रिनकार्ड स्वीकृत भएको मिति ग्रिनकार्डमा उल्लेख गरेको हुन्छ ।

ग्रिनकार्डमा पछाडिको मिति उल्लेख भएको अवस्थामा समेत एसाइलमबाट ग्रिनकार्ड प्राप्त गरेका व्यक्तिलाई ग्रिनकार्ड स्वीकृत भएको मितिले ४ बर्षमा नागरिकताका लागि आवेदन दिने अधिकारमा कुनै असर गर्दैन । त्यस्ता आवेदकले ग्रिनकार्ड स्वीकृत भएको चौथो बार्षिकी आउनुभन्दा तीनमहिना अगाडि नागरिकताका लागि आवेदन दिनसक्छन् ।

शरणार्थीका रुपमा अमेरिका आएकाहरुका सन्दर्भमा युएससीआईएसले ग्रिनकार्ड जारी भएको मितिमा अमेरिका प्रवेश गरेको मिति उल्लेख गर्नुपर्छ । अमेरिका प्रवेश गरेको मितिले उनीहरु ५ बर्षमा नागरिकता आवेदन दिनका लागि योग्य हुन्छन् ।

एलन वर्निक सिटी युनिभर्सिटी अफ न्युयोर्कको सिटिजनसिप नाओ परियोजनाका निर्देशक तथा कानुन व्यवसायी हुन् ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved. Namaste International Media Group (worldwide) and Namaste Media Inc (USA)
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com