नेपालमा थप ६४१ जनामा कोरोना संक्रमण, १३४ संक्रमित डिस्चार्ज
प्रकाशित मिति : श्रावण ३२, २०७७ आईतबार
![](https://i0.wp.com/www.khasokhas.com/wp-content/uploads/2020/05/IMG_0600.jpg?fit=1500%2C844&ssl=1)
नेपालमा पछिल्लो २४ घण्टामा थप ६४१ जनामा कोरोना संक्रमण भएको छ । स्वास्थ्य मन्त्रालयका अनुसार २४ घण्टामा देशभरका ३९ प्रयोगशालामा गरी १२ हजार ३४७ जनामा गरिएको पिसिआर परिक्षणका क्रममा ६४१ जनामा कोरोना संक्रमण भएको हो । योसँगै संक्रमितको कूल संख्या संख्या संख्या २६ हजार १९ पुगेको छ ।
नयाँ संक्रमितहरु मध्ये महिला २१८ र पुरुष ४२३ रहेका छन् । पछिल्लो २४ घण्टामा १३४ डिस्चार्ज भएका छन् भने कोरोना भाइरसबाट मुक्त हुनेको संख्या १७ हजार ३३५ पुगेको स्वास्थ्य मन्त्रालयले जनाएको छ । भने १५ हजार २४३ जना क्वारेन्टिनमा रहेको मन्त्रालयले जनाएको छ ।