कान्तिपुर दैनिकका बरिष्ठ पत्रकार बानियाँ मृत फेला
प्रकाशित मिति : श्रावण २८, २०७७ बुधबार
![](https://i0.wp.com/www.khasokhas.com/wp-content/uploads/2020/08/1597220791balaram.jpg?fit=900%2C583&ssl=1)
कान्तिपुर दैनिकका बरिष्ठ पत्रकार बलराम बानियाँ मृत फेला परेका छन् । महानगरीय अपराध महाशाखाका अनुसार दुई दिनदेखि परिवार र कार्यालयसँग सम्पर्कविहीन भएका बानियाँको मकवानपुरको भिमफेदि गाउँपालिका स्थित सिस्नेरीको माण्डु हाइड्रोपावरमा शव फेला परेको हो । हाल बानियाँको शव पोस्टमार्टमका लागि हेटौंडा अस्पतालमा लगिएको छ।
तनहुँ घर भएका पत्रकार बानियाँ पछिल्लोपटक राजधानीको बल्खुचोकमा सोमबार देखापरेको प्रहरीले जानकारी दिएको छ । बल्खुमा उनको जुत्ता फेला परेको थियो । प्रहरी स्रोतकाअनुसार बानियाँ बल्खु खोलामा लडेको र खोलाले बगाएर मकवानपुर पु-याएको खुलेको छ । यद्यपी महाशाखाले अनुसन्धान गरिरहेको बताइएकाे छ ।