विदेशमा कोभिडबाट ज्यान गुमाउने नेपाली १ सय ६०
प्रकाशित मिति : श्रावण ४, २०७७ आईतबार
![](https://i0.wp.com/www.khasokhas.com/wp-content/uploads/2020/05/Corona.jpg?fit=1000%2C540&ssl=1)
विश्वभर महामारीको रूपमा फैलिएको कोभिड–१९ बाट विश्वका विभिन्न मुलुकमा ज्यान गुमाउने नेपालीको संख्या १ सय ६० पुगेको छ ।
गैरआवासीय नेपाली संघका अनुसार बितेका सात दिनमा कतारमा आठ, कुवेतमा तीन र संयुक्त अरब इमिरेट्समा थप पाँच जनाको मृत्यु भएको छ ।
शनिबार साँझसम्म विश्वका विभिन्न १४ मुलुकमा १६० नेपालीको कोरोना संक्रमणका कारण मृत्यु भएको संघले बताएको छ ।
त्यसैगरी, यसअघि संक्रमण भएकामध्ये ९३ प्रतिशत अर्थात् २८ हजार ६८१ जना संक्रमणमुक्त भएको जनाइएको छ ।
कोरोना संक्रमणका कारण सबैभन्दा बढी नेपालीले ज्यान गुमाएको देश बेलायत हो । लन्डनस्थित नेपाली दूतावासले अहिलेसम्म ६७ जना नेपालीको कोरोनाबाट मृत्यु भएको पुष्टि गरेको छ ।
बेलायतमा पनि संक्रमण भएको भनिएका हजार बढी नेपालीमध्ये लगभग सबै निको भएको ठानिएको छ ।