जम्मु काश्मिरमा गोली लागेर भारतीय सेनामा कार्यरत नेपालीको मृत्यु
प्रकाशित मिति : असार २६, २०७७ शुक्रबार
पाकिस्तानी सेनाको गोली लागेर जम्मु काश्मीरमा एक नेपालीको मृत्यु भएको छ । भारतीय सेनामा कार्यरत रहेका हवल्दार सम्बुर गुरुङको शुक्रबार जम्मु काश्मीरको रजौरी जिल्ला नौसेरा सेक्टरस्थित एलओसीमा गोली लागेर मृत्यु भएको हो ।
हिन्दुस्तान टाइम्सका अनुसार गोली लागेर गम्भिर घाइते भएका गुरुङको मृत्यु भएको हो । यस घटनालाई लिएर भारतीय सेनाले समवेदना व्यक्त गरेको छ ।
भारतीय रक्षा प्रवक्ता कर्णेल देभेन्द्र आनन्दले जारी गरेको विज्ञप्तिमा भनिएको छ, ‘हवल्दार सम्बुर गुरुङ एक साहसी, उच्च मनोबल भएका र इमान्दार सैनिक हुन् । उनको कतर्व्य पालनाका क्रममा गरेको उच्च बलिदानीको मुलुक सधैं ऋणी रहनेछ ।’
