कर तिर्न सरकारले गरेको ताकेता गैरजिम्मेवारपनको पराकाष्ठ : कांग्रेस
प्रकाशित मिति : जेष्ठ २१, २०७७ बुधबार
प्रमुख प्रतिपक्षी दल नेपाली काँग्रेसले कोरोना भाइरसको संक्रमणका कारण उत्पन्न असहज परिस्थितिमा पनि सरकारले बन्दाबन्दी सयमभित्रै तत्काल कर बुझाउने सूचना जारी गर्नु अव्यवहारिक भएको जनाएको छ । कांग्रेसले प्रेस विज्ञप्ति जारी सरकारले जारी गरेको सूचनालाई अस्वभाविक, अप्राकृतिक, अव्यवहारिक र गैरजिम्मेवारपनको पराकाष्ठ भनेको छ । तत्काल सच्चाउन माग पनि गरेको छ ।
“विषम् र असहज परिस्थितिमा पनि सरकारले लकडाउनको सयमभित्रै तत्काल कर बुझाउने सूचना जारी गर्नु अस्वभाविक, अप्राकृतिक, अव्यवहारिक र गैरजिम्मेवारपनको पराकाष्ठ हो,” प्रमुख सचेतक बालकृष्ण खाणद्वारा जारी विज्ञप्तिमा भनिएको छ ।