अमेरिकामा ६२ हजार भन्दा बढी डाक्टर र नर्स लगायतका स्वास्थ्यकर्मीमा कोरोना संक्रमण
प्रकाशित मिति : जेष्ठ १४, २०७७ बुधबार
अमेरिकामा ६२ हजार भन्दा धेरै डाक्टर, नर्स र अन्य स्वास्थ्य सेवा प्रदायकहरुलाई कोरोना संक्रमण पुष्टी भएको छ । कोरोना संक्रमणबाट अमेरिकामा कम्तीमा २९१ जना स्वास्थ्यकर्मीको मृत्यु भएको छ ।
सीडीसीले गरेको तथ्यांक विश्लेषणमा कम्तीमा ६२ हजार स्वास्थ्यकर्मी संक्रमित भएको देखिएको छ । सीडीसीले संक्रमितहरु स्वास्थ्य संस्थामा काम गरे नगरेको विश्लेषण गरेको हो । यो संख्या अझ उच्च हुनसक्ने अनुमान गरिएको छ ।
सीडीसीको तथ्यांक अनुशार संक्रमित स्वास्थ्यकर्मीको संख्या ६२ हजार ३ सय ४४ रहेको छ । संक्रमित स्वास्थ्यकर्मीहरुमध्ये अस्पतालमा भर्ना भएकाहरुको संख्या भने निकै कम रहेको छ ।
अमेरिकामा कोरोना संक्रमणबाट ज्यान गुमाउनेहरुको संख्या १ लाख नाघिसकेको छ भने संक्रमितको संख्या १७ लाख नाघिसकेको छ । अमेरिकामा अहिलेसम्म १ करोड ५७ लाखभन्दा बढीको परीक्षण गरिएकोछ ।
विश्वमा कोरोना संक्रमणबाट ज्यान गुमाउनेहरुको संख्या ३ लाख ५५ हजार नाघेको छ । विश्वभर संक्रमण पुष्टी हुनेहरुको संख्या ५७ लाख नाघेको छ ।