KHASOKHAS ON GOOGLE NEWS CoronaVirus Fact Checking CoronaVirus News Update CoronaVirus: Stories of Hope CoronaVirus Resource Center File UI or PUA Claim Donate to Khasokhas

भूकम्पपछिको राहत र नेपालको झण्डा फहराउने अभियानका न्युजर्सीका राजनीतिज्ञको निधन

नेपालमा भूकम्पपछिको राहत र अमेरिकामा नेपालको झण्डा फहराउने अभियानमा सम्बद्ध रहेका न्युजर्सीका राजनीतिज्ञको निधन भएको छ । जर्सी सिटीका काउन्सिलम्यान मायकल युनको कोरोना भाइरसको संक्रमणबाट निधन भएको हो ।

नेपालको इन्द्रावती गाउँपालिकालाई जर्सीसिटीसँग भगिनी सम्बन्ध कायम गर्ने जर्सी सिटी मेयरकी सल्लाहकार डाक्टर बिष्णुमाया परियारको अभियानमा युनको विशेष भूमिका रहेको थियो । साथै न्युयोर्कको विश्व ब्यापारिक केन्द्रलाई पृष्ठभूमिमा राखेर न्युजर्सीको एक्सचेन्ज प्लेसमा फहराउन लागिएको नेपालको झण्डाको प्रकृयाका लागि पनि उनले विशेष सहयोग गरेका थिए । तीनबर्ष अगाडि जर्सी सिटीको मेयर अफिसमा नेपालको झण्डा फहराउनेमा पनि युनको भूमिका रहेको थियो ।

युनसँग डाक्टर बिष्णुमाया परियार ।

उनले नेपालमा भूकम्प गइसकेपछि झण्डै ३० हजार डलर राहत संकलन गरेर राहतका लागि पठाएका थिए । अमेरिकामा रहेका नेपालीका लागि टीपीएस प्रस्ताव पारित गराउनमा पनि उनको सहयोग रहेको थियो । उनको मृत्युको खबरले आफू स्तब्ध भएको डाक्टर विष्णुमाया परियारले बताइन् ।

बोलो बहनमार्फत घरेलु हिंशा र यौन हिंशा पीडित १० परिवारलाई उपहार प्रदान गर्दै

परियार सम्मिलित बोलो बहनमार्फत उनले हरेकबर्ष घरेलु हिंशा र यौन हिंशा पीडित १० परिवारलाई उपहार समेत प्रदान गर्दै आएका थिए । नेपाली समुदायलाई माया गर्ने र नेपाली समुदायका एक सच्चा साथीको कोरोना संक्रमणबाट निधन भएकोमा यसबाट अपुरणीय क्षति भएको परियाले बताइन् ।

त्यस्तै नेपाली समुदायलाई माया गर्ने र इन्द्रावतीसँग जर्सी सिटीको भगिनी सम्बन्धका लागि विशेष भूमिका खेलेका काउन्सिल प्रेसिडेन्ट रोलाण्डो लाभारोपनि कोरोना संक्रमणका कारण अस्पतालमा भर्ना भएका थिए । उनी भने अहिले उपचारपछि घर फर्किसकेका छन् । नेपालीको टीपीएस थप्ने विषयमा दुईपटक प्रस्ताव पारित गर्नेमा लाभारोको मुख्य भूमिका रहेको थियो ।

Loading...


भिडियो हेर्नुहोस्

Namaste Media Inc. New York, USA

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Europe Editor: Hari Krishna Panthi
Online Editors: Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar
© 2012-2020 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com
WP2Social Auto Publish Powered By : XYZScripts.com