मैले १२ सय डलरको चेक पाउन के गर्नुपर्छ ?


प्रकाशित मिति : चैत्र १२, २०७६ बुधबार

कोरोनाको महामारीबाट जुध्न अमेरिकी सरकारले हरेकलाई दिने १२ सय डलरको चेकबारे अहिलेसम्म संसदबाट बिल पारित भइसकेको छैन । यो प्याकेजबारे सिनेट र ह्वाइट हाउसबीच सहमति भइसकेको छ ।

कोरोना भाइरसको महामारी सम्बन्धमा आईआरएएसले नयाँ पेज बनाएको छ । उक्त पेजमा अहिलेसम्म १२ सय डलरको चेकबारे कुनै जानकारी उपलब्ध भइनसकेको र यसबारे अहिले आईआरएएसलाई फोन नगर्न सुझाव दिइएको छ ।

बिल पारित भइसकेपछि आईआरएसले यसबारे आफ्नो वेवसाइटमा जानकारी दिनेछ । त्यो प्राप्त गर्ने प्रकृया लगायतका विषयमा पनि आईआरएसको वेवसाइटमा जानकारी दिइनेछ ।

आइआरएसको कोरोना भाइरसबारेको पेज हेर्न यहाँ क्लिक गर्नुहोला ।

कोरोना भाइरसको महामारीका कारण अमेरिकामा ट्याक्स फाइल गर्ने डेडलाइन जुलाई १५ सम्मका लागि थप गरिएको छ ।

यदि अमेरिकाको ट्रेजरी डिपार्टमेन्टबाट भन्दै कसैले कोरोना भाइरस सम्बन्धित चेक, राहत उपलब्ध गराउने भन्दै फोन, इमेल वा अन्य तरिकाले सम्पर्क गरेमा उनीहरुलाई जवाफ नदिन आईआरएएसले सुझाव दिएको छ ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com