इटलीमा २४ घण्टामा ६२७ को मृत्युपछि लकडाउन कार्यान्वयन गर्न सेना परिचालन
प्रकाशित मिति : चैत्र ७, २०७६ शुक्रबार
इटलीमा २४ घण्टामा ६२७ को मृत्युपछि लकडाउन कार्यान्वयन गर्न सेना परिचालन गरिने भएको छ । सरकारले लकडाउन कडाईका साथ कार्यान्वयनका लागि सेना परिचालन गर्न लागेको अधिकारीहरुले जनाएका छन् ।
सेना परिचालनको प्रस्ताव स्वीकार गरिएको र लोम्बार्डीमा ११४ सेना परिचालन गरिने भएको छ । थोरैमात्रामा सेना परिचालन गरिएपनि यसबाट सकारात्मक परिणाम आउने अपेक्षा गरिएको छ ।
इटलीमा कोरोना संक्रमणबाट अहिलेसम्म ४ हजारबढीको मृत्यु भइसकेको छ । इटलीमा ४७ हजारभन्दा बढीमा कोरोना संक्रमण पुष्टी भएको छ ।
मृत्युदरमा इटलीले चीनलाई उछिनिसकेको छ । चीनमा अहिलेसम्म ३२५५ को मृत्यु भएको छ भने इटलीमा मृतकको संख्या ४ हजार ३२ पुगेको छ ।
मृत्युदर उच्च हुनेमा स्पेन र इरान पनि हुन् । इरानमा अहिलेसम्म १४३३ को र स्पेनमा १०९३ जनाको मृत्यु भइसकेको छ ।