कोरोनाको लक्षण देखिए ब्रुफिन नखान विश्व स्वास्थ्य संगठनको सुझाव
प्रकाशित मिति : चैत्र ६, २०७६ बिहीबार
कोरोनाको लक्षण देखिएका बिरामीलाई दुखेको कम गर्न बु्रफिन नामको औषधी नखान विश्व स्वास्थ्य संगठनले सुझाव दिएको छ । एकजना फ्रेन्च अधिकारीले बु्रफिन जस्ता एन्टी इन्फ्लामाटोरी औषधीले कोरोनाको संक्रमणलाई अझ खराब बनाउने बताएलगत्तै विश्व स्वास्थ्य संगठनको सुझाव आएको हो ।
विश्व स्वास्थ्य संगठनका प्रवक्ता क्रिस्चियन लिण्डमेयरले थप निर्देशिका जारी गरिने बताएका छन् । उनले सेल्फ मेडिकेशनका रुपमा बु्रफिनको प्रयोग नगर्न बरु पारासिटामोलको प्रयोग गर्न सुझाव दिएका छन् ।
? #COVID2019 Les #pharmacies sont et resteront ouvertes tout au long de la crise sanitaire.
? Il n’y a pas de pénurie de #paracetamol.
L’ANSM rappelle les règles de bon usage. Inutile et dangereux pour la santé de faire des stocks chez soi !— Olivier Véran (@olivierveran) March 17, 2020
यदि स्वास्थ्यकर्मीहरुले बु्रफिन सिफारिस गरेमा त्यो उनीहरुमा भर पर्ने उनले बताएका छन् । फ्रेन्च मन्त्रीले पहिले नै एन्टी इन्फ्लामाटोरी औषधी प्रयोग गरिरहेकाहरुले चिकित्सकको सल्लाह लिन भनेका छन् ।
पारासिटामोल लिंदा पनि तोकिएको डोजमात्र लिन सिफारिस गरिएको छ । किनभने धेरै पारासिटामोल लिंदा कलेजोमा असर पर्नसक्ने भएकाले तोकिएको डोजमात्र लिन भनिएको हो ।