अमेरिकी राष्ट्रपति ट्रम्पले राष्ट्रका नाममा विशेष सम्बोधन गर्दै
प्रकाशित मिति : फाल्गुन २८, २०७६ बुधबार
विश्व स्वास्थ्य संगठनले कोरोनाको संक्रमणलाई विश्वब्यापी महामारी घोषणा गरेलगत्तै अमेरिकी राष्ट्रपति डोनाल्ड ट्रम्पले राष्ट्रका नाममा विशेष सम्बोधन गर्ने भएका छन् । न्युयोर्क समय अनुशार आज राती ९ बजे गरिने सम्बोधनमा ट्रम्पले केही विशेष घोषणाहरु गर्न लागेको जनाइएको छ ।
राष्ट्रपति ट्रम्पले महाविपत्ति वा संकटकाल घोषणा गर्नसक्ने जनाइएको छ ।
अहिलेसम्म विश्वभर १ लाख २६ हजार १ सय ३९ जनामा कोरोना संक्रमण पुष्टी भएको छ । जसमध्ये ४६ सय २७ को मृत्यु भइसकेको छ ।
अमेरिकामा अहिलेसम्म १३०५ मा कोरोना संक्रमण पुष्टी भएको छ । जसमध्ये ३८ जनाको मृत्यु भएको छ । आजै अमेरिकामा थप ३११ मा कोरोना संक्रमण पुष्टी भएको छ भने ८ जनाको मृत्यु भएको छ ।