टेक्सासका सिनेटर तथा अमेरिकी राष्ट्रपतिका पूर्व उम्मेदवार टेड क्रुज क्वारेन्टाइनमा
प्रकाशित मिति : फाल्गुन २५, २०७६ आईतबार
टेक्सासका सिनेटर तथा अमेरिकी राष्ट्रपतिका पूर्व उम्मेदवार टेड क्रुजले आफूले भेटेको व्यक्तिमा कोरोना संक्रमण भएको पुष्टी भएपछि क्वारेन्टाइनमा बस्ने निर्णय गरेको जनाएका छन् । कन्जरभेटिभ पोलिटिकल एक्सन कन्फ्रेन्सका क्रममा एकजना सहभागीसँग आफूले अन्तरकृया गरेको र ती व्यक्तिमा कोरोना संक्रमण देखिएको उनको भनाई छ ।
Today I released the following statement: pic.twitter.com/XGXEa4ozcg
— Senator Ted Cruz (@SenTedCruz) March 8, 2020
एरिजोनाका सांसद पाउल गोसरले पनि आफू र अरु तीनजना कर्मचारीहरु कोरोना संक्रमितसँग सम्पर्कमा आएपछि सेल्फ क्वारेन्टाइनमा बसेको जनाएका छन् । टेड क्रुजले कार्यक्रममा आएका कोरोना संक्रमित व्यक्तिसँग आफूले हात मिलाएको र कुराकानी गरेको बताएका छन् ।
1. I am announcing that I, along with 3 of my senior staff, are officially under self-quarantine after sustained contact at CPAC with a person who has since been hospitalized with the Wuhan Virus. My office will be closed for the week.
— Paul Gosar (@DrPaulGosar) March 9, 2020
आफूले आधामिनेट भन्दा पनि कम समय भेटेको र आफूलाई कुनै लक्षण भने नदेखिएको ट्रेड क्रुजले बताएका छन् । स्वास्थ्य अधिकारीहरुले आफूलाई संक्रमणको सम्भावना पनि ज्यादै न्यून रहेको बताएको जनाएका छन् ।
उक्त कार्यक्रममा कोरोना संक्रमित व्यक्तिसँग अरुले पनि भेटेको र हात मिलाएको जनाइएको छ । उनले १४ दिन नबित्दासम्म टेक्सासमा रहेको घरमै बस्ने र बाहिर कतै ननिस्कने बताएका छन् ।
CPAC 2020 Health Warning Update pic.twitter.com/H7AN8RnQpp
— ACU (@ACUConservative) March 8, 2020
अमेरिकन कन्जरभेटिभ युनियनले उक्त कार्यक्रम मेरिल्याण्डमा आयोजना गरेको थियो । कार्यक्रममा राष्ट्रपति डोनाल्ड ट्रम्प समेत सहभागी भएका थिए । यस विषयमा अमेरिकन कन्जरभेटिभ युनियनले मेरिल्याण्डको डिपार्टमेन्ट अफ हेल्थसँग सहकार्य गरेर काम गरिरहेको जनाएको छ ।
