कोरोना संक्रमणको सामना गर्न अमेरिकाले नेपालसहितका देशलाई ३७ मिलियन डलर सहयोग गर्ने
प्रकाशित मिति : फाल्गुन २१, २०७६ बुधबार
कोरोना संक्रमणको सामना गर्न अमेरिकी सरकारले नेपालसहितका २५ देशलाई ३७ मिलियन अमेरिकी डलर सहायता प्रदान गर्ने भएको छ । कोरोना भाइरसबाट प्रभावित र उच्च जोखिममा रहेका मुलुकका लागि युएसएआईडीमार्फत यो सहयोग गर्न लागिएको हो ।
अमेरिकी सरकारले विश्व स्वास्थ संगठन, अन्य बहुपक्षीय सहयोग निकाय तथा युएसएडले नेतृत्व गरेका कार्यक्रममार्फत यो सहयोग उपलब्ध गराउन लागेको हो । अमेरिकी सरकारले गत फेब्रुअरी ७ मा कोरोनाविरुद्ध लड्न १० करोड अमेरिकी डलरबराबरको सहयोग उपलब्ध गराउने प्रतिबद्धता गरेअनुसार पहिलो चरणमा यी राष्ट्रलाई सहयोग गर्न लागिएको हो।
वक्तब्यको पूर्ण पाठ यहाँ पढ्नुहोला ।
पहिलो चरणको सहयोग प्राप्त गर्ने राष्ट्रहरूमा नेपालसहित अफगानिस्तान, अंगोला, इन्डोनेशिया, इराक, काजकिस्तान, केन्या, दक्षिण अफ्रिका, ताजकिस्तान, फिलिपिन्स, तुर्किमेनिस्तान, उच्वेकिस्तान, जाम्बिया, जिम्बाबे, बंगालादेश, कम्बोडिया, इथियोपिया, किर्ज रिपब्लिक, लाओस, मंगोलिया, नाइजेरिया, पाकिस्तान, थाइल्यान्ड, भियतनाम छन् ।
विश्व स्वास्थ्य संगठनमार्फत हुने सहयोगले कोरोना प्रभावित र जोखिममा रहेका मुलुकका लागि ठूलोमात्रामा परीक्षणका लागि ल्याब तयार पार्ने, प्रवेश नाकाहरुमा जनस्वास्थ्यसम्बन्धि संकटकालिन योजना लागु गर्ने, उपचारमा खटिनेहरुलाई तालिम र उपकरणयुक्त बनाउने लगायतका काम गर्नेछ । त्यस्तै अरु साझेदारमार्फत खर्च हुने रकमले ल्याबको सवलीकरण, समुदायसँगको सहकार्य लगायतका कामहरु गर्नेछ ।
नेपाललाई कति सहयोग गर्ने भन्नेबारे केही खुलाइएको छैन ।