ग्रिनकार्ड वा भिसा आवेदकलाई स्पोन्सरका लागि चाहिने आम्दानी कति हो ?
प्रकाशित मिति : फाल्गुन १४, २०७६ बुधबार
परिवारमा आधारित ग्रिनकार्ड वा आप्रवासी भिसा स्पोन्सरका लागि स्पोन्सरकर्ताको आम्दानी पोभर्टी गाइडलाइनको १२५ प्रतिशत भन्दा धेरै हुनुपर्ने बताइएको छ । पोभर्टी गाइडलाइनको १२५ प्रतिशत भनेको कति हो ? यसबारे धेरैको जिज्ञासा र अन्यौल समेत देखिन्छ ।
अलास्कार र हवाई राज्यमा बस्नेहरुका सन्दर्भमा यो रकम अलग्गै रहेको छ भने अरु ४८ राज्यमा बस्नेहरुका सन्दर्भमा यो रकम अलग रहेको छ । ४८ राज्यमा बस्नेहरुका सन्दर्भमा यदि स्पोन्सरकर्ताको परिवारका सदस्यहरुको संख्या आफूसहित २ रहेको छ भने उसको बार्षिक आम्दानी कम्तीमा २१ हजार १ सय ३७ डलरभन्दा माथि हुनुपर्छ ।
त्यस्तै परिवारका सदस्यहरुको संख्या ३ रहेको छ भने बार्षिक आम्दानी कम्तीमा २६ हजार ६ सय ६२ डलर हुनुपर्छ । परिवारका सदस्यहरुको संख्या ४ रहेको छ भने बार्षिक आम्दानी कम्तीमा ३२ हजार १ सय ८७ डलर हुनुपर्छ ।
परिवारका सदस्यहरुको संख्या ५ रहेको छ भने बार्षिक आम्दानी कम्तीमा ३७ हजार ७ सय १२ डलर हुनुपर्छ । परिवारका सदस्यहरुको संख्या ६ रहेको छ भने बार्षिक आम्दानी कम्तीमा ४३ हजार २ सय ३७ डलर हुनुपर्छ ।
परिवारका सदस्यहरुको संख्या ७ रहेको छ भने बार्षिक आम्दानी कम्तीमा ४८ हजार ७ सय ६२ डलर हुनुपर्छ । परिवारका सदस्यहरुको संख्या ८ रहेको छ भने बार्षिक आम्दानी कम्तीमा ५४ हजार २ सय ८७ डलर हुनुपर्छ ।
त्यो भन्दा माथि हरेक एकजना परिवारका सदस्यका लागि ५ हजार ५ सय २५ डलर थप्दै जानुपर्छ । तर स्पोन्सरकर्ता अमेरिकी सेनामा रहेको छ र उसले दम्पत्ति वा छोराछोरीलाई स्पोन्सर गर्नुपर्ने छ भने पोभर्टी गाइडलाइनको १ सय प्रतिशतमात्र आम्दानी भए पुग्छ ।
तोकिएको आम्दानी हुने व्यक्तिले भिसा वा ग्रिनकार्डका लागि स्पोन्सर गर्न सक्छ । खासगरी फर्म आई ८६४ भर्दा न्यूनतम आम्दानीको मापदण्ड पूरा गरेको हुनुपर्छ । यसरी स्पोन्सर गरिएको व्यक्तिले १० बर्षभित्र अमेरिकामा आएर सरकारी सुविधा लिएमा त्यसको क्षतिपूर्ति स्पोन्सरकर्ताबाट अमेरिकी सरकारले लिनसक्ने कानुनी प्रावधान रहेको छ ।