विगत १४ दिनमा चीन गएकालाई भिसा अप्वाइन्टमेन्ट सार्न अमेरिकी दूतावास काठमाडौंको सुझाव
प्रकाशित मिति : फाल्गुन ५, २०७६ सोमबार
विगत १४ दिनमा चीन गएकालाई अप्वाइन्टमेन्ट सार्न अमेरिकी दूतावास काठमाडौंले सुझाव दिएका छ । पेन्डिङ कन्सुलर अप्वाइन्टमेन्ट भएको मध्येका विगतका १४ दिनभित्र जनवादी गणतन्त्र चीनमा गएको भएमा अप्वाइन्टमेन्ट सार्नुपर्ने दूतावासले जनाएको छ ।
चीनका विशेष प्रशासनिक क्षेत्रहरू हङकङ र मकाउका जानेहरुका सन्दर्भमा भने अप्वाइन्टमेन्ट सार्नु नपर्ने जनाइएको छ । चीनको भ्रमणमा गएका, फ्लुको जस्ता लक्षणहरू सामना गरिरहेका वा जसलाई आफू नोभल कोरोना भाइरसको सम्पर्कमा आएको हुनसक्ने शंका लागेको छ उनीहरुलाई अप्वाइन्टमेन्ट कम्तीमा १४ दिन पछाडि सार्न प्रोत्साहन गरिएको छ ।
अप्वाइन्टमेन्ट परिवर्तन गर्न कुनै शुल्क नलाग्ने र भिसा आवेदन शुल्क सो शुल्क तिरेको देशमा एक वर्षका लागि मान्य रहने जनाइएको छ । पेन्डिङ भिसा अप्वाइन्टमेन्ट पुनः निर्धारण गर्न निर्देशनका लागि [email protected] मा इमेल पठाउन सुझाव दिइएको छ ।
त्यस्तै सम्पन्न हुन बाँकी भिसा अप्वाइन्टमेन्ट पुनर्निर्धारण गर्ने सम्बन्धी जानकारीका लागि नेपालबाट फोन गर्दा १ ८००- ०९१- ०११४ मा र अमेरिकाबाट फोन गर्दा १ – ७०३ -९८८ – ३४२८ मा सम्पर्क गर्न सकिनेछ ।
सम्पन्न हुन बाँकी अमेरिकी नागरिक सेवा अप्वाइन्टमेन्ट पुनर्निर्धारण गर्ने सम्बन्धी जिज्ञासाहरूमा मार्गदर्शनका लागि [email protected] मा इमेल पठाउन सुझाव दिइएको छ ।