ग्रिनकार्ड सहित अमेरिका बाहिर यात्रा गर्दा ध्यान दिनुपर्ने ८ कुराहरु

यदि तपाईसँग अमेरिकाको ग्रिनकार्ड छ भने तपाई अमेरिका बाहिर यात्रा गरेर फर्कन सक्नुहुन्छ । तर निश्चित कुराहरुमा ध्यान दिनुभएन भने तपाईसँग ग्रिनकार्ड हुँदाहुँदै पनि अमेरिका आउनमा रोक लाग्न सक्छ ।

१, अमेरिका आउने बेलामा पोर्ट अफ इन्ट्रीमा तपाईले आफ्नो ग्रिनकार्ड देखाउनु आवश्यक हुन्छ । तर ग्रिनकार्ड आफैमा ट्राभल डकुमेन्टका लागि प्रयाप्त हुँदैन । तपाईको साथमा विदेशी मुलुकको पासपोर्ट पनि हुन जरुरी हुन्छ । साथै अमेरिका छाड्नु अगाडि र आउने बेलामा तपाईले आफ्नो ग्रिनकार्डको म्याद चेक गर्न जरुरी हुन्छ ।

२, यदि तपाई एकबर्ष वा त्यो भन्दा लामो समयको लागि अमेरिका बाहिर जाँदै हुनुहुन्छ भने तपाईले अमेरिका छाड्नुअगाडि पुन प्रवेशको अनुमतिपत्र लिन जरुरी हुन्छ । पुन प्रवेशको अनुमतिपत्र नलिएको खण्डमा तपाई एकबर्षभन्दा धेरै अमेरिकाबाहिर बसेर फर्कदा तपाईको ग्रिनकार्डको म्याद बाँकी रहेपनि तपाईलाई अमेरिका प्रवेशमा रोक लाग्छ ।

३, तपाई आप्रवासी भिसामा अमेरिका आउनुभएको तर ग्रिनकार्ड आइसकेको छैन भने यो अवस्थामा यात्रा गर्दा तपाईको पासपोर्टमा आई ५५१ छाप हुन जरुरी हुन्छ । यो छाप स्थायी बासिन्दाको स्टाटस एकबर्षसम्म अद्यावधिक रहेको प्रमाण हो । तपाईको पासपोर्टमा यो छाप छ भने अमेरिकाबाहिर यात्रा गर्दा डराउनुपर्दैन ।

Loading...

४, यदि तपाईको २ बर्षे अस्थायी ग्रिनकार्डको म्याद सकिएको छ भने तपाईले अमेरिका आउने बेलामा म्याद सकिएको ग्रिनकार्डका साथमा शर्त हटाउनका लागि युएससीआईएसमा आवेदन दिएको प्रमाण बोक्नुपर्छ । स्थायी ग्रिनकार्डका लागि कुरिरहेको अवस्थामा शर्त हटाउन दिएको आवेदनको प्रमाण र म्याद सकिएको अस्थायी ग्रिनकार्ड देखाएर अमेरिका प्रवेश गर्न सकिन्छ ।

५, यदि तपाईको ग्रिनकार्ड आवेदन युएससीआईएसमा पेन्डिङ अवस्थामा छ भने तपाईले अमेरिकाबाहिर यात्रा गर्दा एड्भान्स परोल यात्रा अनुमतिपत्र लिन जरुरी हुन्छ । एड्भान्स परोल तपाईको आवेदन रद्द नगरिकनै तपाईलाई अमेरिकाबाहिर यात्रा गरेर फर्कन दिने अनुमतिपत्र हो । यदि तपाईको एचवान, एच फोर, एल वान, एल टु, के थ्री, के फोर, भि टु वा भि थ्री भिसा अद्यावधिक छ भने तपाईले अमेरिकाबाहिर यात्रा गरेर फर्कनका लागि एड्भान्स परोल लिनु पर्दैन ।

Loading...

६, यदि अमेरिकाबाहिर यात्रा गरिरहेको बेलामा ग्रिनकार्ड हरायो भने तपाईले नजिकको अमेरिकी दूतावास वा कन्सुलेटमा सम्पर्क गर्नुपर्छ । अमेरिकी दूतावास वा कन्सुलेटलाई तपाईलाई अमेरिकी सरकारको ट्रान्सपोर्टेशन लेटर प्रदान गर्छ । त्यो पत्र देखाएर तपाई अमेरिका आएर हराएको ग्रिनकार्ड प्राप्तीका लागि आवेदन दिन सक्नुहुन्छ । ग्रिनकार्ड चोरी भएको छ भने तपाईले प्रहरीमा रिपोर्ट गर्न नबिर्सनुहोला । यसरी ग्रिनकार्ड हराएर फर्कदा विमानस्थल वा अमेरिका प्रवेश गर्ने नाकामा तपाईलाई नयाँ ग्रिनकार्डका लागि उचित शुल्कसहित आई ९० फर्म भर्न लगाइन सक्छ ।

७, यदि तपाई ग्रिनकार्ड सहित अमेरिका बाहिर जानुभयो तर कुनै कारणबश १ बर्षभित्र फर्कन सक्नुभएन भने अमेरिकी दुतावासमा गएर रिइन्ट्री परमिटका लागि आवेदन दिनुपर्छ । यदि तपाई २ बर्षभन्दा पनि लामोसमय अमेरिकाबाहिर बस्नुभएको छ भने तपाईले रिटर्निङ रेसिडेन्स भिसा लिन जरुरी हुन्छ । यो भिसाका लागि अमेरिकी दूतावास वा कन्सुलेटमा आवेदन दिनुपर्छ । तपाईले कन्सुलर अफिसरलाई आफू आपतकालिन कारणबश लामोसमय अमेरिकाबाहिर बस्नुपरेको प्रमाण पेश गर्नुपर्छ । आफन्त वा आफू बिरामी भएको खण्डमा मेडिकल रिपोर्ट पेश गर्न सकिन्छ ।

Loading...

 

८, यदि तपाई ग्रिनकार्ड लिएर लगातार ६ महिनाभन्दा बढी अमेरिका बाहिर बस्नुभएको छ भने अमेरिकी नागरिकता लिने बेलामा तपाईलाई समस्या पर्न सक्छ । यदि तपाई लगातार एकबर्ष वा त्यो भन्दा बढी अमेरिका बाहिर बस्नुभएको छ तर अमेरिकी नागरिकता लिनका लागि निरन्तर आवासको संरक्षणका लागि आवेदन दिनुपर्छ । एन ४७० फर्म भरेर यस्तो आवेदन दिन सकिन्छ ।

थप जानकारीका लागि युएससीआईएसको वेवसाइट हेर्नुहोला ।

भिडियो हेर्नुहोस्

Loading...

प्रतिक्रिया दिनुहोस्

Namaste Media Inc. New York, USA

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Europe Editor: Hari Krishna Panthi
Online Editors: Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

Contact Us

NYS DOS ID : 5255258

© 2019 KHASOKAHS. Namaste Media Inc. All Rights Reserved.
Khasokhas is not responsible for the content of external sites.
DEVELOPED BY appharu.com
WP2Social Auto Publish Powered By : XYZScripts.com