KHASOKHAS ON GOOGLE NEWS CoronaVirus Fact Checking CoronaVirus News Update CoronaVirus: Stories of Hope CoronaVirus Resource Center File UI or PUA Claim Donate to Khasokhas KHASOKHAS E-MAGAZINE

झण्डै ४ सय प्रकारका अमेरिकी ग्रिनकार्ड, कोड हेरेर थाहा पाउनुहोस् ग्रिनकार्डको श्रेणी

प्रकाशित मिति : कार्तिक २६, २०७६ मंगलबार

सामान्यतया अमेरिकी ग्रिनकार्ड भन्नासाथ अमेरिकामा स्थायी बसोबासका लागि दिइएको अनुमतिपत्रमात्र बुझिन्छ । तर यसका प्रकारबारे भने धेरैले याद नगरेका हुनसक्छन् । तर अमेरिकी ग्रिनकार्डका झण्डै ४ सय प्रकारका श्रेणीहरु रहेका छन् ।

व्यक्तिले कसरी ग्रिनकार्ड प्राप्त गरेको हो भन्ने श्रेणी उसको ग्रिनकार्डमा नै उल्लेख गरिएको हुन्छ । उक्त श्रेणी कोड भाषामा मात्र ग्रिनकार्डमा उल्लेख गरिएको हुन्छ । अध्यागमनबारे जानकारी भएका व्यक्ति वा अधिकारीहरुले कुन श्रेणीको ग्रिनकार्ड हो भन्ने कुरा कोड हेरेर तुरुन्तै थाहा पाउन सक्छन् ।

तपाईको ग्रिनकार्डमा तपाईले क्याटेगोरी भन्ने शब्द देख्नुभएको होला, त्यसैमा उल्लेखित कोडले तपाईले कसरी ग्रिनकार्ड प्राप्त गर्नुभयो भन्ने जनाउँछ । यदि तपाईको अमेरिकाबाहिरबाटै रोजगारमा आधारित एक्स्ट्राअर्डिनरी ग्रिनकार्ड स्वीकृत भएको छ भने त्यसमा ई११ लेखिएको हुन्छ तर तपाईले अमेरिकामा कुनै भिसामा आएर एक्स्ट्राअर्डिनरी ग्रिनकार्ड प्राप्त गर्नुभएको छ भने त्यसमा ई १६ लेखिएको हुन्छ ।

तपाईले अतिदक्ष प्रोफेसर वा शोधकर्ताका रुपमा अमेरिकाबाहिरबाटै ग्रिनकार्ड स्वीकृत गराउनुभएको छ भने तपाईको ग्रिनकार्डको क्याटेगोरी ई १२ हो, तर अरु भिसामा आएर अतिदक्ष प्रोफेसर वा शोधकर्ताका रुपमा ग्रिनकार्ड पाउनुभएको छ भने तपाईको ग्रिनकार्डको क्याटेगोरी ई १७ हो । यसरी ग्रिनकार्ड प्राप्त गर्नेका दम्पत्ति वा छोराछोरीका लागि फरकफरक क्याटेगोरी उल्लेख गरिएको हुन्छ ।

Loading...

डिभी लोटरीमा आउनेको क्याटेगोरी डिभी १ उल्लेख गरिएको हुन्छ तर अमेरिकामा नै डिभी परेर ग्रिनकार्ड पाउनेको भने डिभी ६ उल्लेख गरिएको हुन्छ । तपाईले ग्रिनकार्डवाहकसँग विवाह गर्नुभएको छ भने तपाईको ग्रिनकार्डको क्याटेगोरी एफ २१ वा एफ २६ हो तर तपाईले अमेरिकी नागरिकसँग विवाह गर्नुभएको छ भने तपाईको कण्डिसनल ग्रिनकार्डको क्याटेगोरी सीआर १ वा सीआर ६ हो तर १० बर्षे ग्रिनकार्डको क्याटेगोरी आई आर १ वा आईआर ६ हो ।

यदि तपाईले एसाइलम गरेर ग्रिनकार्ड लिनुभएको हो भने तपाईको ग्रिनकार्डमा एएस ६ लेखिएको हुन्छ र तपाईको दम्पत्तिको ग्रिनकार्डमा र्ए एस ७ लेखिएको हुन्छ ।

कुन श्रेणीको ग्रिनकार्डमा के कोड लेखिएको हुन्छ ? यहाँ पढ्न सक्नुहुनेछ ।

भिडियो हेर्नुहोस्

KHASOKHAS TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar
© 2012-2020 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com
WP2Social Auto Publish Powered By : XYZScripts.com