नेपालबाट देखिएको चन्द्रग्रहणको मनोरम दृश्य (एक्सक्लुसिभ फोटो फिचर)
प्रकाशित मिति : १ श्रावण २०७६, बुधबार
गुरुपूर्णिमाको राति लागेको खण्डग्रास चन्द्रग्रहणको दृश्य नेपालबाट पनि निकै मनोरम देखियो । चन्द्रग्रहण बिहान १ बजेर ४६ मिनेटदेखि ४ बजेर ४४ मिनेट जाँदा सम्म लागेको थियो ।
नेपालमा राति १ बजेर ४६ मिनेटबाट खण्डग्रास चन्द्र ग्रहण देखिएको थियो । १ बजेर ४६ मिनेटमा सुरु भएको ग्रहण राति ३ बजेर १५ मिनेटमा मध्य र बिहान ४ बजेर ४४ मिनेटमा सकिएको थियो ।
सूर्य तथा चन्द्रको बीचमा पृथ्वी पर्दा चन्द्रग्रहण लाग्छ । चन्द्रग्रहण अवलोकन गर्न चाहनेहरुले निर्धक्क भएर आफ्नो घर वा घर छेउमा रहेको खुल्ला चौरबाटै नाङ्गो आँखाले अवलोकन गर्न सक्छन् ।
चन्द्रमाको आकार पनि अन्य दिनको तुलनामा निकै ठूलो देखियो । खगोल विज्ञानमा चासो राख्ने मानिसका लागि मात्र नभएर सबैका लागि निकै मनोरम दृश्य रहेको थियो । खसोखासका लागि दीपेन्द्र ढुंगानाले ति मनोरम दृश्यहरु क्यामेरामा कैद गरेका छन् ।
