अमेरिका : ट्राफिक प्रहरीले रोक्न खोज्दा भाग्ने १२ जनालाई देशनिकाला गरिने
प्रकाशित मिति : मंसिर २१, २०७५ शुक्रबार
अमेरिकाको डेलावरमा ट्राफिक प्रहरीले रोक्न खोज्दा भाग्ने १२ जनालाई देशनिकाला गरिने भएको छ । डेलावर रिभर एण्ड बे अथोरिटीले उनीहरु देशनिकालाको प्रकृयामा रहेको जनाएको छ ।
बुधबार विहान डेलावर रिभर एण्ड बे अथोरिटीले एउटा एसयुभी गाडीलाई रोक्न खोजेको थियो । पुल ओभरका लागि गरेको आग्रहलाई वेवास्ता गर्दै त्यो गाडी नजिकैको दबदबे क्षेत्रतिर प्रवेश गरेको थियो ।
के कारणले त्यो गाडीलाई रोक्न खोजिएको थियो भन्नेबारे केही पनि स्पष्ट छैन । तर गाडी महिलाको जेलतर्फ गएपछि केहीबेरका लागि जेल नै बन्द गर्नुपरेको थियो ।
गाडीमा भाग्ने सबैलाई हिराशतमा लिइएको छ । उनीहरुलाई अपराधको अभियोग लगाइएको छ । उनीलाई आइसले देशनिकालाका लागि नलैजाँदासम्म त्यहीको हिराशतमा राखिने जनाइएको छ ।
