गैरकानुनी रुपमा सिमाक्षेत्रबाट अमेरिका छिर्न खोज्दा पक्राउ पर्ने नेपाली एकबर्षमा ६४८ (एक्सक्लुसिभ)
एकबर्षको अवधिमामात्र गैरकानुनी रुपमा अमेरिकाको दक्षिण पश्चिमी र उत्तरी सिमाबाट अमेरिका छिर्न खोज्ने ६४८ जना नेपालीलाई कस्टम एण्ड बोर्डर प्रोटेक्सनले नियन्त्रणमा लिएको छ । सीबीपीका अनुशार उनीहरु गत आर्थिक बर्ष २०१७ मा सिमाक्षेत्रमा समातिएकाहरु हुन् ।
यसरी समातिने नेपालीहरु दक्षिण पश्चिमी सिमानामा ६४७ जना र उत्तरी सिमानामा १ जना रहेका छन् । दक्षिण पश्चिमी सिमानाबाट समातिनेहरु अधिकांश दलाललाई ५० लाख रुपैयासम्म बुझाएर मेक्सिकोको बाटोहुँदै गैरकानुनी रुपमा अमेरिका छिर्न खोज्नेहरु हुन् ।
तपाईलाई अमेरिकामा कानुन व्यवसायी वा पारालिगलसँग सम्पर्क गर्नुपर्ने छ ? क्लिक गर्नुहोस् ।
आर्थिक सन् २०१७ मा यसरी गैरकानुनी रुपमा छिर्न खोज्दा समातिने नेपालीहरुले अहिलेसम्मकै सबैभन्दा बढी हुन् । सन् २०१६ मा यसरी समातिने नेपालीहरु ५५१ जना रहेका थिए । त्यस्तै सन् २०१५ मा यो संख्या ४०९ रहेको थियो ।
आर्थिक बर्ष २०१७ मा पक्राउ पर्ने अधिकांश नेपालीहरु सान डिएगो क्षेत्रबाट प्रवेश गर्न खोज्दा पक्राउ पर्नेहरु छन् । सान डिएगो क्षेत्रबाट प्रवेश गर्न खोज्दा पक्राउ पर्नेहरु ६१९ जना, रियो ग्रान्दे उपत्यकाबाट प्रवेश गर्न खोज्दा पक्राउ पर्नेहरु १० जना, एल सेन्ट्रोबाट प्रवेश गर्न खोज्दा पक्राउ पर्नेहरु १२ जना र टक्सन क्षेत्रबाट प्रवेश गर्न खोज्दा पक्राउ पर्ने नेपालीहरु ४ जना रहेका छन् ।
यो तथ्यांकमा डिपोेर्टेबल एलिएनको मात्र संख्या समावेश गरिएको सीबीपीले जनाएको छ । उनीहरु सबैजना सिमा सुरक्षा गस्तीबाट समातिएका हुन् । अमेरिकी सिमाक्षेत्रबाट गैरकानुनी रुपमा प्रवेश गर्दा सिमा सुरक्षा गस्तीबाट नसमातिएको नेपालीहरुको संख्या समेत उल्लेख्य रहेको छ ।
