एक्स्ट्रा अर्डिनरी स्वीकृत नेपालीलाई अगस्त र सेप्टेम्बरमा ग्रिनकार्ड नदिइने

खसोखास अमेरिका ब्यूरो

---

प्रकाशित मिति : भाद्र २, २०७५ शनिबार

रोजगारमा आधारित ईबी वान अर्थात् एक्स्ट्रा अर्डिनरी ग्रिनकार्डका लागि पहिलोपटक नेपालीका लागि समेत कटअफ डेट जारी गरिएको छ । जसमा कारण एक्स्ट्रा अर्डिनरी ग्रिनकार्डका लागि आई १४० आवेदन स्वीकृत भइसकेकाहरुले समेत ग्रिनकार्डका लागि लामो समय कुर्नुपर्ने भएको छ ।

नेपालीहरुका सन्दर्भमा सामान्यतया एक्स्ट्रा अर्डिनरी क्याटेगोरीको ग्रिनकार्डका लागि सधै भिसा उपलब्ध हुने गरेकोमा अगस्त र सेप्टेम्बर महिनामा मितिको सिमाबन्दी तोकिएको छ । सेप्टेम्बर महिनामा जुन १, २०१६ भन्दा अगाडि प्राथमिकता मिति भएका नेपालीहरुलेमात्र एक्स्ट्रा अर्डिनरी ग्रिनकार्ड पाउनेछन् । अगस्त महिनामा एक्स्ट्रा अर्डिनरी ग्रिनकार्ड पाउने नेपालीहरुभने १ मे २०१६ भन्दा अगाडि प्राथमिकता मिति भएका नेपालीहरुमात्र रहेका छन् ।

यद्यपी रोजगारमा आधारित एक्स्ट्रा अर्डिनरी ग्रिनकार्ड फाइल गर्नका लागि भने नेपालीहरुलाई मितिको हदबन्दी लगाइएको छैन । अगस्त महिनामा नेपालीहरुलाई इबी वानका लागिमात्र कटअफ डेट तोकिएकोमा सेप्टेम्बर महिनाका लागि भने ईबी टु र थ्रीका लागि समेत कटअफ डेट तोकिएको छ ।

तपाईलाई अमेरिकामा कानुन व्यवसायी वा पारालिगलसँग सम्पर्क गर्नुपर्ने छ ? क्लिक गर्नुहोस् ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

यद्यपी जुन १, २०१६ भन्दा अगाडि प्राथमिकता मिति भएका एक्स्ट्रा अर्डिनरी ग्रिनकार्ड आई १४० स्वीकृत भएका नेपालीहरु खासै नभएकाले अगस्त र सेप्टेम्बर महिनामा नेपालीहरुले एक्स्ट्रा अर्डिनरी ग्रिनकार्ड नपाउने निश्चित भएको हो । तर नयाँ आवेदन दिनका लागि भने रोक लगाइएको छैन ।

एक्ट्रा अर्डिनरी ग्रिनकार्डका लागि दिइने आवेदन आई १४० स्वीकृत भइसकेका र त्यसको आधारमा ग्रिनकार्ड अर्थात् आई ४८५ स्वीकृत भइसकेका नेपालीहरुले नयाँ आर्थिक बर्ष सुरु हुनासाथ आगामी अक्टोबरमा ग्रिनकार्ड पाउने सम्भावना रहेको कानुन व्यवसायी केशव सेडाईले जानकारी दिनुभयो । उहाँले भन्नुभयो – ‘रोजगारमा आधारित प्रथम श्रेणीका लागि आई ४८५ स्वीकृत भइसकेका, अन्तरवार्ता भइसकेका वा एफबीआई सुरक्षा क्लीयर भइसकेका नेपालीहरुले आगामी अक्टोबरबाट ग्रिनकार्ड पाउने सम्भावना देखिएको छ ।’