केरुङ-काठमाडौँ रेलमार्गको प्रतिवेदनबारे अन्तिम छलफल अर्को हप्ता
प्रकाशित मिति : श्रावण २९, २०७५ मंगलबार
चीनसँग जोड्ने केरुङ काठमाडौँ रेलमार्गको पूर्वसम्भाव्यता अध्ययन प्रतिवेदनबारे अन्तिम रुप दिन आउदो हप्ता बैठक बस्ने भएको छ।
नेपाल र चीनका सरकारी प्रतिनिधिहरु बिच हुने प्रतिवेदनलाई अन्तिम रुप दिन छलफल हुन लागेको हो।
चिनियाँ कम्पनीले तयार पारेको उक्त प्रतिवेदनमा भौगोलिक कठिनाई भएपनि रेलमार्ग निर्माण सम्भव रहेको उल्लेख छ। उच्चस्तरको प्रविधि प्रयोग गर्नु पर्ने प्रतिवेदनमा उल्लेख छ।
प्रतिवेदनलाई अन्तिम रुप दिए लगतै निर्माण कार्यका लागि आवश्यक पर्ने विस्तृत परियोजना प्रतिवेदन बनाउने काम अघि बढाइने छ। चिनियाँ रेलवे विभागको उच्चस्तरीय टोलीले गरेको प्रारम्भिक अनुमानमा केरुङ काठमाडौँ रेलमार्ग निर्माणका लागि २ सय ८० अर्ब लाग्ने अनुमान गरिएको छ।