राष्ट्रपति ट्रम्पले विरोध गर्ने चेन माइग्रेशनबाटै ट्रम्पका सासु ससुराले पाए अमेरिकी नागरिकता
अमेरिकी राष्ट्रपति ट्रम्पले बारम्बार विरोध गर्दै आएको अमेरिकाको चेन माइग्रेशन प्रणालीबाटै ट्रम्पका सासुससुरा तथा प्रथम महिला मेलानिया ट्रम्पमा बाबुआमाले अमेरिकी नागरिकता प्राप्त गरेका छन् । मेलानिया ट्रम्पले ग्रिनकार्ड स्पोन्सर गरेपछि उनका बाबुआमाले अमेरिकाको ग्रिनकार्ड पाएका थिए भने अहिले नागरिकता नै प्राप्त गरेका छन् ।
अमेरिकी प्रथम महिला मेलानिया ट्रम्पले सन् २००१ मा अमेरिकाको ग्रिनकार्ड पाएकी थिइन् । त्यसपछि उनले सन् २००५ मा डोनाल्ड ट्रम्पसँग विहे गरेपछि सन् २००६ मा अमेरिकाको नागरिकता प्राप्त गरेकी थिइन् ।
त्यसपछि मेलानियाले आफ्ना बुबाआमाका लागि ग्रिनकार्ड स्पोन्सर गरेकी थिइन् । ग्रिनकार्ड पाएको पाँचबर्षको अवधि पुगेपछि नै उनका बुबाआमाले विधिवत रुपमा अमेरिकाको नागरिकता पाएका हुन् ।
हिजो बिहिबार प्रथम महिला मेलानियाका बाबु भिक्टोर र आमा अमालिजाले अमेरिकी नागरिकता प्राप्त गरेका हुन् । अमेरिकी नागरिकताप्राप्त व्यक्तिले बाबुआमा, दिदीबहिनी, दाजुभाई लगायतका आफन्तहरुलाई ग्रिनकार्ड स्पोन्सर गर्न पाउने चेन माइग्रेशनको राष्ट्रपति ट्रम्पले भने कडा विरोध गर्दै आएका छन् । उनले यो प्रणाली हटाउन लगातार प्रयत्न समेत गरिरहेका छन् ।
CHAIN MIGRATION cannot be allowed to be part of any legislation on Immigration!
— Donald J. Trump (@realDonaldTrump) September 15, 2017
Congress must end chain migration so that we can have a system that is SECURITY BASED! We need to make AMERICA SAFE! #USA?? pic.twitter.com/d7L1YW5iVY
— Donald J. Trump (@realDonaldTrump) November 2, 2017
