प्रेस लेखिएको मोटरसाइकलसहित लागूऔषध बेचबिखन गर्ने दुई जना प्रहरीको फन्दामा
प्रकाशित मिति : श्रावण १५, २०७५ मंगलबार
प्रेस लेखिएको मोटरसाइकलमा लागूऔषध ओसारपसार र बेचबिखन गर्ने दुई कारोबारीलाई पक्राउ गरिएको छ ।
प्रहरीले काठमाडौंबाट महानगरीय प्रहरी वृत्त जनसेवाले सोमबार प्रेस लेखेको ज ७ प १४०४ नम्बरको मोटरसाइकलसहित जनकपुरका राजकुमार चौधरी र मोहम्मद शाहिदलाई पक्राउ गरेको हो । राजकुमार चौधरीसँग मोहम्मद शाहिद भने लागूऔषध किन्न आएका थिए ।
वृत्तले जानकारी गरे अनु्सार पक्राउ परेका चौघरीले भारतीय सीमाबाट लागूऔषध काठमाडौं ल्याएर विक्री वितरण गर्दै आएका थिए । अनुसन्धानबाट चौधरीले काठमाडौंमा लागूऔषध विक्री गर्दा शंका नहोस् भनेर मोटरसाइकलमा प्रेस लेखेको खुलासा भएको छ ।
प्रहरीका अनुसरा उनका साथबाट ३५ थान लागूऔषध कोडिन फस्फेट र नगद समेत बरामद भएको छ । अहिले घटनाका विषयमा थप अनुसन्धान भइरहेको छ ।