अमेरिकी सिमाक्षेत्रमा बाबुआमाबाट छुटाइएका ३६४ बालबालिकाको पुनर्मिलन

खसोखास अमेरिका ब्यूरो

---

प्रकाशित मिति : श्रावण ५, २०७५ शनिबार

अमेरिकी सिमाक्षेत्रमा बाबुआमाबाट छुटाइएका ३६४ बालबालिकाको पुनर्मिलन गराइएको ट्रम्प प्रशासनले जनाएको छ । अमेरिका छिर्न खोज्ने कागजपत्रविहिन बालबालिकाहरुका बाबुआमासँगको सम्बन्ध पुष्टी गर्ने आधार नभएको भन्दै उनीहरुलाई बाबुआमाबाट अलग राखिएको थियो । उनीहरु ५ बर्ष वा त्यो भन्दा माथिको उमेरका बालबालिकाहरु रहेको जनाइएको छ ।

बाबुआमाबाट अलग राखिएका झण्डै २५५१ बालबालिकाहरु रहेको र उनीहरुका बाबुआमा र अभिभावकसँगको सम्बन्ध सुनिश्चित भएपछि पुनर्मिलन गराइने जनाइएको छ । बाबुआमाबाट अलग भएका बालबालिकाहरुलाई पुनर्मिलन गराउनुपर्ने अदालतको डेडलाइन गत साता नै सकिएको छ ।

अदालतले ५ बर्ष मुनीका बालबालिकाहरुलाई बाबुआमासँग पुनर्मिलन गराउने डेडलाइन जुलाई १० सम्मका लागि तोकेका थियो । त्यस्तै ५ बर्षमाथिका बालबालिकाहरुलाई बाबुआमा वा अभिभावकसँग पुनर्मिलन गराउने म्याद जुलाई २६ सम्म रहेको छ ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

झण्डै ९ सय बालबालिकाहरुका बाबुआमासँग पुनर्मिलनका लागि योग्य नहुने सम्भावना रहेका छ । बाबुआमाको सुनिश्चत नभएको खण्डमा, बाबुआमालाई अपराधको अभियोगको लागेको खण्डमा बालबालिकाहरुलाई अमेरिकी सरकारले अलग हिराशतमा राख्दै आएको छ ।