कागजपत्रविहिन बालबालिकालाई बाबुआमाबाट नछुट्याउन ट्रम्पको आदेश

खसोखास अमेरिका ब्यूरो

---

प्रकाशित मिति : असार ६, २०७५ बुधबार

अमेरिकी सिमाक्षेत्रमा बढेको तनावपछि अमेरिकी राष्ट्रपति डोनाल्ड ट्रम्पले आज एक कार्यकारी आदेशमा हस्ताक्षर गरेका छन् । ट्रम्पले सिमाक्षेत्रमा कागजपत्रविहिन आप्रवासी परिवारलाई एकसाथ राख्ने समेत स्पष्ट पारेका छन् ।

ट्रम्पले परिवारहरु अलग अलग भएको आफूले देख्न नचाहने बताएका छन् । सिमाक्षेत्रबाट अमेरिका प्रवेश गर्ने परिवारलाई अलग अलग राखिएको भन्दै ट्रम्प प्रशासनको आलोचना भइरहदा ट्रम्पले नयाँ कार्यकारी आदेशमा हस्ताक्षर गरेका हुन् । तर गैरकानुनीरुपमा अमेरिकी सिमा पार गर्नेहरुबिरुद्ध शुन्य सहनशीलताको नीति भने जारी रहने ट्रम्पले स्पष्ट पारेका छन् ।

ट्रम्पले आफूले परिवारलाई एकसाथ राख्नका लागि कार्यकारी आदेशमा हस्ताक्षर गरेको बताएका छन् । आफूले र आफ्नी श्रीमतिले परिवारलाई एकसाथ राख्नुपर्ने भावनालाई राम्रोसँग बुझेको र मुटु हुने जोसुकैले पनि यसलाई बुझ्ने ट्रम्पले बताएका छन् ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

सिमाक्षेत्रबाट प्रवेश गर्ने कागजपत्रविहिनहरुलाई परिवारबाट छुट्याएर अलग अलग राखिएको तथा केटाकेटीहरुलाई बुबाआमाबाट अलग्याएर छुट्टै राखिएका भिडियो, तस्वीर र समाचारहरु आइरहदा ट्रम्पको कार्यकारी आदेश आएको हो ।

सिमाक्षेत्रमा झण्डै २३ सय कागजपत्रविहिन केटाकेटीहरुलाई उनीहरुका बाबुआमाबाट अलग बनाएर पिन्जडाजस्ता हिराशतमा राखिएका समाचारहरु आइरहँदा ट्रम्पले बाबुआमा र छोराछोरीलाई अलगअलग हिराशतमा नराख्नेगरी कार्यकारी आदेश जारी गरेका हुन् ।