जनकपुरको रत्नसागर पोखरीमा एक युवतीको शव फेला
प्रकाशित मिति : जेष्ठ २६, २०७५ शनिबार
जनकपुरको रत्नसागर पोखरीमा शनिवार एक युवतीको शव भेटिएको छ ।
जनकपुर उपमहानगरपालिका–८ मा पर्ने रत्नसागर पोखरीमा रातो कुर्ता सुरुवाल लगाएकी गहुँगोरो वर्णकी अन्दाजी २०-२२ वर्षकी युवतीको शव भेटिएको प्रहरीले जनाएको छ ।
युवतीको ८-१० घण्टा पहिले डुबेर ज्यान गएको हुनसक्ने अनुमान गरिएको र पोखरी आसपासका बासिन्दाले समेत शवको पहिचान गर्न नसकेकाले थप अनुसन्धान अघि बढाइएको जिल्ला प्रहरी कार्यालय धनुषाले जनाएको छ ।
पोखरीमा शव तैरिएको देखेपछि स्थानीय बासिन्दाले प्रहरीलाई खबर गरेका थिए ।
शवलाई पोष्टमार्टमका लागि जनकपुर अञ्चल अस्पतालमा राखिएको छ ।