कोरियाली भाषा परिक्षा आजदेखि शुरु
प्रकाशित मिति : जेष्ठ २६, २०७५ शनिबार
कोरियाली भाषा परिक्षा आजवाट शुरु भएको छ ।रोजगार अनुमति प्रणाली ईपिएस शाखाले आज र भोली परिक्षा संचालन हुने जनाएको छ ।
शाखाका निर्देशक कृष्णप्रसाद खनालले नवौं इपिएस कोरियन भाषा परिक्षाका लागि आवेदन दिएका ८२ अजार २ सय ३५ जनालाई परिक्षाको व्यवस्था गरिएको जानकारी दिनुभएको छ ।
शाखाका अनुसार यस वर्ष काठमाण्डौमा १६ , ललितपुरमा ८ र पोखरामा ४ गरी २८ वटा केन्द्रको व्यवस्था गरिएको छ । दुई सिफ्ट गरेर संचालन गरिने परिक्षा विहान ८ वजेदेखी ११ बजेसम्म र दिउसो १ वजेदेखि ४ बजेसम्म संचालन हुने भएको छ ।
कोरियाले यसपटक नेपाली कामदारका लागि सात हजार एक सय जनाको कोटा निर्धारण गरेको छ ।