सिन्डिकेट हटाउने महानिर्देशक भट्टराई मन्त्रालयमा तानिए
प्रकाशित मिति : जेष्ठ ४, २०७५ शुक्रबार
![](https://i0.wp.com/www.khasokhas.com/wp-content/uploads/2018/05/download-11.jpg?fit=961%2C507&ssl=1)
यातायात ब्यवसायिको सिण्डिकेट हटाउन महत्वपूर्ण भूमिका खेलेका कर्मचारीलाई मन्त्रालयमा बोलाईका छन् । भौतिक पूर्वधार तथा यातायात मन्त्री रघुवीर महासेठले महानिर्देशक रुपनारायण भट्टराई मन्त्रालयमा तानेका हुन ।
सिण्डिकेट कायम राख्न खोज्ने यातायात व्यवसायीसँगको मिलेमतोमा मन्त्री महासेठले यातायात व्यवस्था विभागका महानिर्देशक रुपनारायण भट्टराईलाई मन्त्रालयमा तानेको आरोप छ । भौतिक पूर्वाधार तथा यातायात मन्त्रालयले मन्त्रालयमा हाजिर हुन पठाएको पत्र आज प्राप्त भएको भट्टराईले संचारकर्मीलाई जानकारी दिए ।
नयाँ कम्पनीलाई रुट इजाजत दिन र सिण्डिकेट तोड्न भट्टराईले महत्वपूर्ण भूमिका निभाएका थिए । भट्टराईको आलोचना गर्दै आएका यातायात व्यवसायीहरुले उनको सरुवा गराउन पटक पटक चर्को दवाव दिँदै आएका थिए ।
यातायात व्यवसायीको दवावकै कारण मन्त्री महासेठले भट्टराईलाई मन्त्रालयमा तानेको एक स्रोतले जानकारी दिएको छ । मन्त्री महासेठको राम्रो सहयोग नगरेका कारण भट्टराईले गृहमन्त्री रामबहादुर थापा बादलको सहयोगमा सिण्डिकेट तोड्ने अभियान सुरु गरेका थिए ।