६३० जना आप्रवासीसहितको क्याराभ्यान मेक्सिको आइपुग्यो, अमेरिका छिर्नसक्ने आशंका (भिडियो)
मध्य अमेरिकाबाट ११ सय भन्दा धेरै आप्रवासीहरु गैरकानुनी रुपमा अमेरिका छिर्ने आशयका साथ मेक्सिकोतिर आइरहेका खबर आइरहँदा ६३० जना मेक्सिकोको प्वेब्ला आइसकेको पुष्टी भएको छ । टेक्सासको ब्राउन्सभिलबाट ७ सय माइल टाढा रहेका उनीहरु सिमाक्षेत्रबाट गैरकानुनी रुपमा अमेरिका छिरेर एसाइलम दावी गर्नसक्ने सम्भावना रहेको छ ।
उनीहरुमध्ये अधिकांश महिला र केटाकेटीहरु रहेका छन् । उनीहरु मध्य अमेरिकी देश होण्डुरस लगायतका छन् । होण्डुरसमा कुनै काम, न्याय र कानुन नरहेको भन्दै उनीहरु तीनसाता लामो यात्रा गरेर मेक्सिको आइपुगेका हुन् ।
यसरी आएकाहरुमध्ये कैयनले मेक्सिकोमा नै बसोबास गर्ने योजना बनाएको जनाइएको छ । शनिबार र आइतवार मेक्सिकन र अमेरिकी वकिलहरुलाई भेटेर उनीहरुले छलफल गर्ने जनाइएको छ । उनीहरुमध्ये कतिपयका आफन्तहरु अमेरिकामा रहेकाले उनीहरु अमेरिकामा आउन लागेका हुन् । मेक्सिकाको अध्यागमन अधिकारीहरुले क्याराभ्यानमा आएकाहरुलाई मानवीय भिसाको अफर गरिरहेका छन् ।
