अमेरिकी डेमोक्रेटिक सांसद इल्हान ओमारमाथि भिनेगर प्रहार गर्ने व्यक्तिलाई १४ महिना जेल सजाय
Photo by Tingey Injury Law Firm
अमेरिकाको मिनियापोलिसमा आयोजित एक टाउन हल कार्यक्रममा डेमोक्रेटिक सांसद इल्हान ओमारमाथि भिनेगर प्रहार गर्ने ५६ वर्षीय एन्टोनी काजमियर्जाकलाई अदालतले १४ महिनाको जेल सजाय सुनाएको छ। सरकारी वकिलहरूसँगको सहमति पछि बिहीबार उनलाई यो सजाय तोकिएको हो।
यो घटना गत जनवरी २७ मा भएको थियो। आक्रमणको समयमा मिनियापोलिस-सेन्ट पल क्षेत्रमा अध्यागमन नियन्त्रण सम्बन्धी विवाद र प्रदर्शन तीव्र बनेको थियो।
जेल सजायका साथै न्यायाधीश जोआन एन. एरिक्सनले काजमियर्जाकलाई तीन वर्षको सुपरिवेक्षित रिहाइको सजाय पनि दिएकी छन्, जसअन्तर्गत उनले ओमारसँग कुनै पनि प्रकारको सम्पर्क गर्न पाउने छैनन्।
पार्किन्सन्स रोगबाट ग्रसित काजमियर्जाकले अदालतमा आफ्नो कार्यप्रति दुःखाव्यक्त गर्दै ओमारसँग माफी मागेका छन्। उनका वकिलले मानसिक स्वास्थ्यको औषधि नखाएका कारण नियन्त्रण गुमाएर यो घटना हुन पुगेको दाबी गरेका थिए।
प्रहरी अनुसन्धान अनुसार उनले ओमारमाथि सिरिन्जमार्फत पानी र स्याउको सिरका मिसाइएको तरल पदार्थ छ्यापेका थिए। सुरक्षाकर्मीहरूले उनलाई तत्काल नियन्त्रणमा लिएका थिए।