श्रीलङ्काका पूर्वराष्ट्रपति रनिल विक्रमसिंघे पक्राउ

खसोखास रिपोर्टर

---

प्रकाशित मिति : भाद्र ५, २०८२ शुक्रबार

श्रीलङ्काका पूर्वराष्ट्रपति रनिल विक्रमसिंघे पक्राउ परेका छन् ।

प्रहरीको अपराध अनुसन्धान विभागले राज्य कोष दुरुपयोग गरेको आरोपमा उनलाई शुक्रबार नियन्त्रणमा लिएको हो । ७६ वर्षीय विक्रमसिंघे आफ्नी पत्नीको स्नातक समारोहमा सहभागी हुन लन्डन भ्रमण गरेको विषयमा भइरहेको अनुसन्धानअन्तर्गत बयान दिन राजधानी कोलम्बोस्थित विभागको कार्यालय पुगेका थिए ।

बयानका क्रममा नै उनलाई पक्राउ गरिएको अन्तर्राष्ट्रिय सञ्चारमाध्यमहरुले उल्लेख गरेका छन् ।

विक्रमसिंघे वकिल पेशाबाट राजनीतिमा प्रवेश गरेका हुन् । सन् २०२२ मा श्रीलङ्काको गम्भीर आर्थिक संकटका बेला उनले राष्ट्रपति पद सम्हालेका थिए । सो समय व्यापक विरोध प्रदर्शनका कारण तत्कालीन राष्ट्रपति गोतबाया राजपाक्षे देश छाडेर भाग्न बाध्य भएका थिए र अन्ततः राजीनामा दिएका थिए ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

त्यसपछि संयुक्त राष्ट्रिय पार्टी (यूएनपी)का नेता विक्रमसिंघे राष्ट्रपतिमा नियुक्त भएका थिए ।