विराटनगर किङ्ग्सले जनकपुर बोल्ट्सलाई जितको लागि दियो १२८ रनको लक्ष्य

खसोखास रिपोर्टर

---

प्रकाशित मिति : मंसिर १५, २०८१ शनिबार

नेपाल प्रिमियर लिग क्रिकेट सुरु काठमाडौँ, १५ मङ्सिरः कीर्तिपुर क्रिकेट मैदानमा शनिबार नेपाल प्रिमियर लिगको पहिलो खेल विराटनगर किङ्स भर्सेस जनकपुर बोट्ल्सबीच ब्याटिङ गर्दै विराटनगर टिम । तस्बिरः प्रदीपराज वन्त÷रासस

सिद्धार्थ बैङ्क नेपाल प्रिमियर लिग (एनपिएल)को उद्घाटन खेलमा विराटनगर किङ्ग्सले जनकपुर बोल्ट्सलाई जितको लागि एक सय २८ रनको लक्ष्य दिएको छ ।

त्रिवि क्रिकेट मैदान, कीर्तिपुरमा शनिवार भएको खेलमा विराटनगरले जनकपुर बोल्ट्सलाई जितको लागि एक सय २८ रनको लक्ष्य दिएको हो ।

टस हारेर पहिले ब्याटिङको निम्तो पाएको विराटनगरले १९ ओभरमा सबै विकेट गुमाएर एक सय २७ रन बनाएको हो ।

विराटनगरको लागि न्युजिल्यान्डका ब्याटर मार्टिन गप्टिलले अर्ध शतक प्रहार गर्दै सर्वाधिक ५५ रन बनाए । उनले ४३ बलमा एक छक्का र सात चौकाको मद्दतले ५५ रन बनाएका हुन् ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

यस्तै, अकिब इलियासले १५, निकोलस किर्टनले ९ र लोकेश बमले ५ रनको योगदान दिए । बसिर अहमद, सन्दीप लामिछाने र अनिल खरेलले समान ७/७ रन बनाए ।

त्यस्तै, विराटनगरको लागि क्रिस सोलले ४, प्रतिश जिसीले २ र राजेश पुलामीले एक रन बनाए भने जितेन्द्र मुखिया शून्य रनमै आउट भए ।

विराटनगरले अतिरिक्त १५ रन प्राप्त गर्‍यो ।

जनकपुर बोल्ट्सको लागि ललित राजवंशीले सर्वाधिक तीन विकेट लिए । यस्तै, किशोर महतो र हर्ष ठाकरले समान २/२ विकेट लिए । जनकपुरका मोहम्मद मोहसिन र बेन माइकले समान एक/एक विकेट हात पारे ।